देशाला देशप्रेम असणाऱ्या युवा पिढीची आज गरज:एरंडोल येथे राष्ट्रीय छात्र सेना दिवस साजरा

येथील रा.ति.काबरे विद्यालयाच्या एनसीसी युनिट च्या राष्ट्रीय छात्र सेनेमार्फत २४ नोव्हेंबर रोजी छात्र सेना दिवस उत्साहात साजरा करण्यात आला. एनसीसी युनिटचे अधिकारी ए.एस.वाणी यांच्या मार्गदर्शनाखाली शहरातील विविध भागातून रॅली काढण्यात आली. विद्यार्थ्यांना सैन्य दलातील विविध क्षेत्रातील संधी बाबत मार्गदर्शन देखील करण्यात आले. रॅली दरम्यान विविध योजना देखील देण्यात आल्या. यावेळी जनजागृती पर घोषणा करण्यात आल्या. याप्रसंगी संस्थेचे अध्यक्ष शरद काबरा,समन्वय समिती अध्यक्ष संजय काबरा, संस्थेचे चिटणीस श्रीकांत काबरा, शालेय समिती चेअरमन राजीव मणियार, शाळेच्या मुख्याध्यापिका कल्पना झवर, उपमुख्याध्यापक प्रदीप नेटके व शिक्षक उपस्थित होते. कार्यक्रमाच्या माध्यमातून उपस्थित मान्यवरांनी विद्यार्थांना मार्गदर्शन केले. आज देशाला, देशप्रेम असणाऱ्या युवा पिढीची गरज आहे. छात्र सेनेच्या माध्यमातून अनुशासित आदर्श व्यक्तिमत्व पुढे येत आहे. याबाबत आनंद होत असल्याचे त्यांनी म्हटले. राष्ट्र उभारणीच्या कार्यात छात्र सेनेने दिलेल्या योगदानाचा ठळक उल्लेख करत छात्र सेना ही संघटना आज अत्यंत महत्त्वाच्या टप्प्यावर पोहोचली आहे. छात्र सेना तिच्या नैतिकतेच्या बळावर ठाम उभी राहिली एकता आणि शिस्तीचे प्रतिक म्हणून उदयाला आली. राष्ट्र उभारणीच्या कार्यात अविभाज्य भूमिकेचा छात्र सेनेला प्रचंड अभिमान आहे. असे ते म्हणाले.