नेवाशातील प्रचारामध्ये शनिशिंगणापूर देवस्थान ठरले केंद्रबिंदू:निवडणुकीच्या प्रचारात देवस्थान समितीच्या कारभारावर टीका

6 hours ago 1
विधानसभा असो की लोकसभा या निवडणुकांत शनिशिंगणापूरचे शनैश्वर देवस्थान मात्र आरोप-प्रत्यारोपांचे केंद्र बनत असते. या विधानसभा निवडणुकीतही शनिशिंगणापूर देवस्थान हे टिकेचे केंद्र ठरले. मुख्यमंत्री शिंदे यांच्यापासून ते स्थानिक नेत्यांकडूनही हेच देवस्थान प्रचाराचा सुद्धा करण्यात आले. आता निकालाचा वारही शनि'वार'असल्याने शनिदेवाच्या साडेसातीचा वार कोणावर होतो, हे निकालाने दिसणार आहे. शनिशिंगणापूरला शेकडो वर्षांची धार्मिक परंपरा व वारसा असून भाविक तो जपत आले आहेत. असे असले तरी या देवस्थान मागे लागलेली राजकीय साडेसाती मात्र पाठ सोडताना दिसत नाही. या विधानसभा निवडणुकीतही हे देवस्थान गाजले, ते शनिदेवाच्या चौथऱ्यावरच्या आरोप-प्रत्यारोपांच्य ा प्रकाराने. शनिदेवाच्या साक्षीने झालेली राजकीय जुगलबंदी जनतेपुढे रंगली. मुख्यमंत्री शिंदे, पालकमंत्री विखे यांनीही नेवासे फाट्यावरील प्रचार सभेत शनैश्वर देवस्थान विश्वस्त मंडळावर टीका केली. मात्र, राजकीय आरोप-प्रत्यारोपातून हे देवस्थान दूर असावे, असा भाविकांचा सूर आहे. शिंगणापूर देवस्थान व शनिदेवाचा चौथरा हा राजकरण्याचा विषय ही परंपराही आताची नाही. गेल्या तीस-चाळीस वर्षांपासून ही राजकीय परंपराही आहे. मात्र, अलीकडे देवस्थानवरची टीका टिप्पणी लहान-मोठ्या निवडणुकातही सुरू राहत आली. एकीकडे शनिशिंगणापूरला येणाऱ्या भाविकांना गंडवण्यासाठी सुरू असलेल्या खेळात गुन्हेगारीने डोके वर काढले आहे. येथील गुंडगिरी थोपवण्याकामी पोलिस, देवस्थान सुरक्षा यंत्रणा हतबल होताना दिसताहेत. पोलिसास, देवस्थान सुरक्षा अधिकारी, कर्मचारी, ग्रामपंचायत कर्मचारी, भाविक यांना मारहाण करण्यापर्यंत गुंडगिरी फोफावत असल्यामुळे हे देवस्थान राजकारण व गुंडगिरी यामुळे बदनामीकडे वाटचाल करताना दिसत आहे. धार्मिक पर्यटन, भाविकांना सोयी सुविधा, संरक्षण, विकास, येथे अद्ययावत बसस्थनक यावर कोणी बोलताना दिसत नाही. त्यामुळे याचा परिणाम संस्थांनाला मिळत असलेल्या देणग्यांवरही होऊ शकतो. १९६३ साली या देवस्थानाची स्थापना झाली आहे. येथील विश्वस्त मंडळ नेमणूक हा सततच्या वादाचे मूळ ठरले आहे. दर्शनाव्यतिरिक्त येथे कोणत्याच सुविधा दृष्टीस पडत नाहीत. त्यामुळे शनिदेवाच्या ठिकाणी आणखी सुविधांची गरज आहे. शनिदेवाच्या साडेसातीचा फटका बसणार कोणाला भक्त मुक्कामी रहावा, अशा सुविधा नाहीत. देवस्थानचा वापर टीकेसाठी नको, अशी भाविकांची अपेक्षा आहे. या विधानसभा निवडणुकीत हे देवस्थान, विश्वस्त मंडळ, नोकर भरती हे विषय टिकेचे विषय ठरले. शनिवारी मतमोजणी असून तो वारही शनीचाच वार आहे. त्यामुळे कर्मफल दाता शनिदेवाची साडेसातीचा कोणाला फटका बसणार हे निकालातून दिसेल.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article