बदलापूर लैंगिक अत्याचार | संस्थाचालक, सचिवाचा अटकपूर्व जामीन अर्ज फेटाळला

दरम्यान याच प्रकरणात मुंबई उच्च न्यायालयात Suo Moto खटला सुरू आहे. या सुनावणी दरम्यान न्यायमूर्ती रेवती मोहिते डेरे आणि पृथ्वीराज चव्हाण यांनी पोलिसांना फैलावर घेतले. संस्थाचालक आणि सचिव या दोघांना अजून अटक का झालेली नाही, असा सवाल न्यायमूर्तींनी केला. राज्याचे महाधिवक्ता बिरेंद्र सराफ म्हणाले, "या प्रकरणात दोन आरोपपत्र दाखल आहेत. संस्थाचालकांचा अटकपूर्व जामिनाचा अर्ज सत्र न्यायालयाने फेटालळा असून त्यांनी यावर उच्च न्यायालयात अपील केलेले आहे."

सराफ यांच्या या माहितीवर न्यायमूर्तींनी ताशेरे ओढले. "या दोन लोकांना अजून अटक का केलेली नाही. तुम्ही यांना अटकपूर्व जामीन मिळण्याची वाट पाहात आहात का?" असा सवाल न्यायमूर्तींनी केला. तसेच या सुनावणी वेळी विशेष तपास पथकाचे प्रमुख उपस्थिती नसल्याबद्दल न्यायालयाने नाराजी व्यक्त केली. या प्रकरणी पुढील सुनावणी आता २३ ऑक्टोबरला होणार आहे.