बीकेसीत मेट्रो स्टेशनला भीषण आग, सर्व प्रवाशांना सुखरुप बाहेर काढले

वांद्रे-कुर्ला कॉम्प्लेक्समध्ये मेट्रो स्टेशनला भीषण आग लागल्याची घटना शुक्रवारी दुपारी घडली. सर्व प्रवाशांना स्थानकातून सुखरुप बाहेर काढण्यात आले आहे. तसेच सर्व मेट्रो तात्काळ रोखण्यात आल्या आहेत. आगीची माहिती मिळताच अग्नीशमन दलाच्या गाड्या घटनास्थळी दाखल झाल्या असून आग विझवण्यासाठी शर्थीचे प्रयत्न सुरू आहेत.

दुपारी 1.9 वाजता ही आगीची घटना घडली आगीचे कारण अद्याप कळू शकले नाही. मात्र वेळीच प्रवाशांना बाहेर काढल्याने कोणतीही दुखापत झाल्याचे वृत्त नाही. अग्नीशमन दलाच्या 10 ते 12 गाड्या आग आटोक्यात आणण्यासाठी प्रयत्न करत आहेत.