मणीबाई गुजराती हायस्कूलमध्ये कॉपीमुक्त अभियानांतर्गत जनजागृती

अमरावती दी गुजराती एज्युकेशन सोसायटी द्वारा संचालित मणीबाई गुजराती हायस्कूल व एस. टी. के. गुजराती ज्युनिअर कॉलेजमध्ये मुख्याध्यापिका सौअंजली देव यांच्या मार्गदर्शनात कॉपीमुक्त अभियानांतर्गत नुकताच जनजागृती सप्ताह यशस्वीपणे राबविण्यात आला. दहावी व बारावीच्या होणाऱ्या परीक्षांना विद्यार्थ्यांना यशस्वीपणे सामोरे जाण्यासाठी या सप्ताह अंतर्गत विविध उपक्रम शाळेमध्ये राबविण्यात आले. स्थानिक लोकप्रतिनिधी, शाळा विकास व व्यवस्थापन समिती सदस्य, मुख्याध्यापिका, शिक्षक व विद्यार्थी यांच्या संयुक्त सभेमध्ये कॉपीमुक्त अभियानाची माहिती देण्यात आली. या वेळी सर्व उपस्थितांना कॉपीमुक्त अभियान राबविण्याची शपथ देण्यात आली. स्थानिक लोकप्रतिनिधी म्हणून अजय सारसकर यांनी विद्यार्थ्यांना कॉपीमुक्त अभियान राबविण्याचे आवाहन केले. विद्यार्थ्यांना परीक्षेदरम्यान गैरमार्ग अवलंबविल्यास होणाऱ्या परिणामाबद्दल सविस्तर माहिती देण्यात आली. गैरमार्ग अवलंबिल्यामुळे विद्यार्थ्यांना त्यांच्या भविष्यावर होणारा परिणाम याबाबत जागरूक करण्यात आले. उत्तर पत्रिका लिहिण्यासाठी सविस्तर मार्गदर्शन, प्रवेश पत्रावरील सूचनांचे स्पष्टीकरण, मंडळ शिक्षासूचीचे वाचन सुरेश ठवरे यांनी केले. राज्य मंडळामार्फत तयार केलेली चित्रफित विद्यार्थ्यांना दाखविण्यात आली. परीक्षांना विद्यार्थ्यांना यशस्वीपणे सामोरे जाण्यासाठी या सप्ताह अंतर्गत विविध उपक्रम शाळेमध्ये राबवण्यात आले. परीक्षेदरम्यान गैरमार्ग अवलंबविल्यास होणाऱ्या परिणामाबद्दल सविस्तर माहिती देण्यात आली. या कॉपीमुक्त अभियानाच्या जनजागृतीसाठी शालेय परिसरामध्ये पर्यवेक्षिका सरिता गायकवाड यांच्या मार्गदर्शनात घोषवाक्यांसह जनजागृती फेरी काढण्यात आली. कॉपीमुक्त माहिती देताना शिक्षक. विद्यार्थ्यांसह पालकांनाही केले कॉपीमुक्तचे मार्गदर्शन परीक्षेला सामोरे जाताना विद्यार्थ्यांना ताणतणावाचे व्यवस्थापन करता यावे याकरिता मुख्याध्यापिका अंजली देव यांनी मार्गदर्शन केले. पालकांना देखील परीक्षेदरम्यान आपल्या पाल्यांसोबत कशा पद्धतीने चर्चा करावी व त्यांना परीक्षेचा तणाव जाणवणार नाही, असे वर्तन ठेवण्यासाठी संबोधित केले.