मतदानाच्या दिवशी सुटी न घेता 100 टक्के मतदान, किसान कनेक्टचा प्रेरणादायी उपक्रम

6 hours ago 1

एम. आय. डी. सी. व रांजणखोल येथील किसान कनेक्ट सेफ फूड प्रायव्हेट लिमिटेड या कंपनीच्या दोन्हीही आस्थापनांनी शंभर टक्के मतदानाचा विक्रम केला आहे. कंपनीचे चेअरमन सारंगधर निर्मळ व संचालक किशोर निर्मळ यांनी मतदानाच्या दोन दिवस आधी सर्व कर्मचारी, आधिकारी, सुरक्षा रक्षक व सफाई कामगार यांची बैठक घेतली. त्यांना मतदान करण्याबाबत प्रबोधन केले. यावेळी निर्मळ म्हणाले, अलीकडच्या वर्षांमध्ये मतदानाचा टक्का कमी होत चालला असून हे लोकशाहीला घातक असल्याचे त्यांनी सांगितले. आपण स्वतः व कुटुंबातील सर्वांनी मतदान करणे किती गरजेचे आहे हे पटवून दिले. याबद्दलची मागील वीस वर्षातील विविध निवडणुकांमधील मतदानाची टक्केवारी व आकडेवारी त्यांनी सर्वांना समजावून सांगितली. जिल्हाधिकारी यांनी जिल्हयातील सर्व संस्थांना व औद्योगिक आस्थापननांना किमान ७५ टक्के कर्मचाऱ्यांनी मतदान केल्यास पुरस्कार व प्रशस्तीपत्रक देऊन गौरव करू, असे आवाहन केले असल्याचेही सांगितले. जागरूक व जबाबदार नागरिकांचे कर्तव्य व अधिकार काय काय असतात, हे ही त्यांनी सर्वांना समजावून सांगितले. त्यांच्या विनंतीला व आवाहनाला किसान कनेक्टच्या सर्व कर्मचाऱ्यांनी उत्स्फूर्त प्रतिसाद दिला.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article