मावळातील १०१ गुन्हेगार सात दिवसांसाठी हद्दपार

Published on

: 

17 Nov 2024, 10:26 am

Updated on

: 

17 Nov 2024, 10:26 am

विधानसभा निवडणूक भयमुक्त वातावरणात पार पाडण्यासाठी पिंपरी- चिंचवड पोलिसांनी कंबर कसली आहे. सराईत गुन्हेगारांवर जोरदार प्रतिबंधात्मक कारवाया सुरू आहेत. दरम्यान, मावळ विधानसभा मतदारसंघात येणाऱ्या तळेगाव दाभाडे, तळेगाव एमआयडीसी, शिरगाव आणि - देहूरोड पोलिस ठाण्याच्या हद्दीतील १०१ गुन्हेगारांना सात दिवसांसाठी तालुक्यातून हद्दपार केले आहे. या कारवाईमुळे मोठी खळबळ उडाली - आहे. राज्यात विधानसभा निवडणुकीची रणधुमाळी सुरू आहे. प्रचार शिगेला पोहोचला आहे. अनेक उमेदवारांनी ही निवडणूक प्रतिष्ठेची केली आहे. त्यामुळे निवडणुकीत साम, दाम, दंड, भेद अशा सर्व अस्त्रांचा वापर होण्याची शक्यता आहे. या सर्व बाबींचा विचार करून 5 निवडणूक प्रक्रिया शांततेत, सुरळीत आणि भयमुक्त वातावरणात पार पाडण्यासाठी पोलिसांनी विशेष खबरदारी घेतली आहे.

पोलिस - आयुक्तालयाच्या अखत्यारीत पिंपरी, चिंचवड, भोसरी हे तीन मतदारसंघ तर - खेड, खडकवासला, मुळशी, मावळ या मतदारसंघाचा काही भाग येतो. सर्वच पोलिस ठाण्यांच्या हद्दीत प्रतिबंधात्मक 5 पिंपरी-चिंचवड गुन्हेगारांनाही करता येणार मतदान हद्दीत बंदी केलेल्या गुन्हेगारांना मतदानाच्या दिवशी म्हणजेच बुधवारी (दि. २०) सकाळी सात ते सकाळी दहा या कालावधीत मतदान करता येणार आहे. मतदान करण्यासाठी येताना त्यांना स्थानिक पोलिसांची परवानगी घ्यावी लागणार आहे. त्यामुळे गुन्हेगारांवर प्रतिबंधात्मक कारवाई केली असली, तरी त्यांचा राष्ट्रीय कर्तव्याचा अधिकार पोलिसांनी शाबूत ठेवला आहे.

निवडणुकीत कोणीही कायदा आणि सुव्यवस्था बिघडविण्याचे काम करू नये. जर कोणी नागरिकांना धमकावत असेल तर पोलिसांना तात्काळ माहिती द्या. संबंधितांवर योग्य ती कारवाई केली जाईल. यामध्ये कोणाचीही गय केली जाणार नाही. -

विनय कुमार चौबे, पोलिस आयुक्त, पिंपरी-चिंचवड