मुख्यमंत्री कोण होणार ?; देवेंद्र फडणवीसांची पहिली प्रतिक्रिया

दरम्यान विरोधकांनी EVM विरोधात जनआंदोलन छेडण्याचे सुतोवाच केले आहे. यावर फडणवीस म्हणाले की, EVM बाबतचे उत्तर काल सर्वोच्च न्यायालयाने दिले आहे. सर्वोच्च न्यायालयाने सांगितले की, तुम्ही हारले म्हणजे ईव्हीएम वाईट ही पद्धत आता बंद करा. ईव्हीएम टेम्परप्रूफ आहे, ईव्हीएमची पद्धत चालूच राहणार आहे. हा रडीचा डाव आता बंद करायला हवा. आगामी महापालिका निवडणूक ठाकरे शिवसेना स्वबळावर लढणार असल्याची चर्चा सुरू आहे, यावर ते म्हणाले की, मला याची कल्पना नाही. आगामी निवडणुका भाजप स्वबळावर लढणार का ? यावर ते आम्ही मिळून ठरवू, असे ते म्हणाले.

दरम्यान, विधानसभा निवडणुकीत महाविकास आघाडीचा सुपडासाफ झाला. अवघ्या ४६ जागा मिळाल्या. शिवसेना ठाकरे गटाला सर्वाधिक २० जागा मिळाल्या. या निकालावर आता संमिश्र प्रतिक्रिया उमटू लागल्या असून शिवसेना आमदारांतून नाराजीचा सूर निघू लागला आहे. मातोश्रीवर माजी मुख्यमंत्री उद्धव ठाकरे यांच्या उपस्थितीत झालेल्या बैठकीत आमदारांनी याबाबत तक्रारी केल्याची माहिती सूत्रांनी दिली आहे.