राजगुरुनगरला भाडेवाढीवरून रास्ता रोको

Published on

: 

31 Jan 2025, 9:51 am

Updated on

: 

31 Jan 2025, 9:51 am

खेड: सरकारने एसटी बस प्रवासात केलेली दरवाढ तत्काळ मागे घ्यावी, या मागणीसाठी शिवसेना (उबाठा) पक्षाच्या वतीने राजगुरुनगर येथे पुणे-नाशिक महामार्गावर रास्ता रोको आंदोलन करण्यात आले. या आंदोलनाचे नेतृत्व आमदार बाबाजी काळे यांनी केले.

एकीकडे महागाईला तोंड देत असताना राज्य सरकारने एसटी बस प्रवास दरात 14.97 टक्के भाडेवाढ केली आहे. ती सर्वसामान्य नागरिकांना न परवडणारी आहे. राज्यभर या दरवाढीचा निषेध केला जात आहे. राजगुरुनगर येथे देखील निषेध नोंदविण्यात आला.

शिवसेनेचे जिल्हाप्रमुख अशोक खांडेभराड, तालुकाप्रमुख रामदास धनवटे, महिला जिल्हा संघटिका विजया शिंदे, माजी तालुकाप्रमुख सुरेश चव्हाण, महिला आघाडी तालुकाप्रमुख उर्मिला सांडभोर, ग्राहक संरक्षण कक्ष जिल्हाध्यक्ष बाळासाहेब ताये, युवासेनेचे मृण्मय काळे, बी. के. कदम, शहरप्रमुख संतोष राक्षे, राहुल मलघे, चैतन्य गायकवाड, पूनम पोतले, सरपंच माऊली कड आदींसह शिवसैनिक उपस्थित होते.

आमदार काळे म्हणाले, एसटी बसमधून सुविधा मिळत नाही. खिळखिळ्या बसने सर्वसामान्य नागरिक प्रवास करीत आहेत. बसस्थानकांमध्ये सोयीसुविधा मिळत नाहीत, तरीही ग्रामीण भागातील नागरिक, विद्यार्थी एसटीने प्रवास करीत आहेत. असे असताना सरकारने भाडेवाढ केली आहे.