रेल्वे लाइन ओलांडू नका, ‘चेनपुलिंग’ देखील टाळा:कजगाव येथे रेल्वे पोलिसांमार्फत जनजागृती

रेल्वे अपघाताचे वाढते प्रमाण लक्षात घेत चाळीसगाव रेल्वे पोलिसांकडून कजगाव (ता.भडगाव) येथे नागरिक, प्रवासी यांच्या सुरक्षेसाठी जनजागृती करण्यात आली. त्यात रेल्वे लाईन ओलांडू नका, प्रवासात कारण नसताना साखली ओढू नका असे आवाहन करण्यात आले. कजगाव येथे रेल्वे पोलिस सुरक्षा दल आरपीएफ चाळीसगाव यांच्यातर्फे रेल्वे स्टेशन व परिसरातील नागरिकांना रेल्वे सुरक्षेबद्दल माहिती देत जनजागृती करण्यात आली. त्यात आरपीएफ पोलिस निरीक्षक अतुल टोके, उपनिरीक्षक जे.ल. शहा, सहायक उपनिरीक्षक शैलेंद्र बच्छाव, अंमलदार रेहान अहमद आदी उपस्थित होते. त्यांनी रेल्वे सुरक्षेबाबत माहिती दिली. त्यात रेल्वे परिसरात अवैधरित्या प्रवेश करू नये, लाईन ओलांडू नये, रेल्वे गाडीवर दगडफेक करू नये, प्रवासात विनाकारण गाडीची साखळी ओढू नये, र असे आवाहन केले.