संभाजीनगरात बांगलादेशींच्या ‎शोधासाठी सर्वेक्षण - संजय शिरसाट:बनावट आधार कार्ड काढणाऱ्यांचीही होईल चौकशी‎

जिल्ह्यात बांगलादेशी नागरिकांच्या ‎‎शोधासाठी प्रशासनाच्या वतीने पुढाकार ‎‎‎घेण्यात येणार आहे. ‎‎‎त्यासाठी पोलिस,‎‎ मनपा, महसूल यांची ‎‎एक बैठक आयोजित ‎‎‎करण्यात येणार आहे.‎‎ या तिन्ही विभागांच्या ‎‎वतीने घरोघरी जाऊन सर्व्हे करण्यात‎ येणार आहे. या माध्यमातून बांगलादेशी ‎‎नागरिकांचा शोध घेण्यात येणार असून‎ त्यावर कारवाई करण्यात येणार‎ असल्याची माहिती पालकमंत्री संजय ‎‎शिरसाट यांनी ‎‎दिली.‎ काही दिवसांपूर्वी किरीट सोमय्या‎यांनीही सिल्लोडमध्ये बांगलादेशी ‎नागरिक मोठ्या प्रमाणात वास्तव्याला‎ असल्याचे वक्तव्य केले होते. त्यामुळे‎ राजकीय वातावरण तापायला सुरुवात ‎झाली आहे .‎ राऊत यांचे वक्तव्य बालिशपणाचे‎ संजय राऊत यांनी शिंदेसेनेचे आमदार‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ नाराज असल्याचे सांगत मंत्री उदय ‎सामंत यांच्याकडे 20 आमदारांचा गट ‎असल्याची टीका करत पुन्हा शिंदेसेना ‎फुटण्याची चर्चा केली होती. त्यावर‎ आमचा कोणताही आमदार फुटणार‎ नाही, आम्ही सर्व एकत्र आहोत, असे‎ शिरसाट यावेळी म्हणाले.‎ 15 दिवस जिल्ह्याभरातील ‎घरोघरी माहिती घेणार‎ शिरसाट म्हणाले की, 15 दिवस घरोघरी‎ जाऊन माहिती घेणार आहोत. जिल्ह्यात‎ अनेक ठिकाणी बनावट आधार कार्ड‎ काढणारी टोळी आहे. या माध्यमातून‎ त्यांचाही शोध घेतला जाणार आहे.‎त्यांच्यावर कारवाई होईल. त्यामुळे 15 ‎दिवसांनंतर एकही बांगलादेशी या‎ठिकाणी राहणार नाही. तसेच या‎प्रकरणात सिल्लोड मतदारसंघात असो ‎अथवा माझ्या मतदरासंघात, बांगलादेशी‎ असतील तर कारवाई होईल. त्यांना ‎सपोर्ट करणाऱ्यांविरोधातही कारवाई‎ केली जाईल, असा इशाराही त्यांनी‎ दिला.‎ सिल्लोडला जन्म प्रमाणपत्रांमध्ये ‎मोठा घोटाळा- किरीट सोमय्या भाजप नेते किरीट सोमय्या यांनी सोमवारी ‎‎सकाळीच सिल्लोड येथे उपविभागीय ‎‎अधिकारी व नगरपरिषदेच्या ‎‎‎अधिकाऱ्यांची भेट घेऊन ‎‎‎संबंधित कार्यालयांकडून‎‎ देण्यात आलेल्या जन्म ‎‎‎प्रमाणपत्रांची फेर तपासणी ‎‎‎करण्याची मागणी केली. ‎सिल्लोड उपविभागीय अधिकारी कार्यालयाने‎ दिलेल्या जन्म प्रमाणपत्रांत घोटाळा झाला असल्याचा गंभीर आरोप सोमय्या यांनी केला.‎ राज्यभरात 1 लाखापेक्षा जास्त बांगलादेशी ‎नागरिक वास्तव्य करीत आहेत, असा आरोप‎त्यांनी काही दिवसांपूर्वी केला होता. त्या‎अनुषंगाने तीन दिवसांपूर्वी जिल्हाधिकारी‎ दिलीप स्वामी यांची भेट घेऊन जिल्ह्यात 10 ‎हजारांपेक्षा जास्त बांगलादेशी व रोहिंगे‎ वास्तव्यास असल्याचे त्यांनी सांगितले. यात‎‎‎‎‎‎‎‎‎‎‎‎‎‎‎‎‎‎‎ सिल्लोड तालुक्यात 4730 बांगलादेशी व‎रोहिंगे राहत असल्याचा आरोप त्यांनी केला‎होता. त्या अनुषंगाने सोमवारी (20 जानेवारी)‎ सोमय्या सिल्लोड येथे उपविभागीय अधिकारी ‎लतीफ पठाण यांच्या दालनात दोन तास ठिय्या‎मांडून होते. या दरम्यान त्यांनी उपविभागीय‎ अधिकारी यांच्यामार्फत देण्यात आलेल्या जन्म ‎प्रमाणपत्रांच्या फाइलसोबत जोडलेल्या‎ कागदपत्रांची तपासणी केली. सोमवारी ‎सोमय्या यांच्या दौऱ्यामुळे सिल्लोड पालिका ‎कार्यालयात कर्मचाऱ्यांची धावपळ झाली.‎