Published on
:
08 Oct 2024, 2:05 pm
Updated on
:
08 Oct 2024, 2:05 pm
पुढारी ऑनलाईन डेस्क : ‘हरियाणातील निकालाबाबत आपल्या महाराष्ट्रातील महाविकास आघाडीचे लोक काल रात्रीपासूनच स्क्रिप्ट लिहून बसले होते. सकाळी 9 वाजता बोलणारा भोंगा रात्रीपासून स्क्रिप्ट तयार करुन बसला होता. काय काय बोलू आणि काय नाही असं त्यांना वाटत होतं. मला त्यांना विचारायचं आहे आता कसं वाटतंय?’ असा टोल राज्याचे उपमुख्यमंत्री आणि भाजपचे नेते देवेंद्र फडणवीस यांनी संजय राऊत यांचे नाव न घेता लगावला आहे. हरियाणाच्या निकालावर प्रतिक्रिया देताना ते बोलत होते. ‘जनतेशी बेईमानी करुन निवडून आलेल्या लोकांना आता जनता त्यांची जागा दाखवल्याशिवाय राहणार नाही. आज हरियाणात जे घडलं ते येत्या नोव्हेंबरमध्ये महाराष्ट्रात पाहायला मिळणार आहे,’ असा विश्वासही त्यांनी व्यक्त केला.