‘सावध व्हा, आपल्याला टार्गेट केले जातय… यंदा…’, मनोज जरांगे यांनी थेट दिला इशारा

Manoj Jarange Patil Dasara Melava:

आपल्याला नाकारून टार्गेट केलं जातंय. सावध व्हा. आता त्यांचे डोळे उघडले असतील यांना टार्गेट केलं की संपलं. मला काही मर्यादा पाळायाच्या आहेत. फक्त नारायण गडावर. जर न्याय नाही मिळाला तर तुमच्या लेकरासाठी तुमच्या समुदायासाठी आपल्याला यावेळी उलथापालथ करावीच लागणार आहे. त्याशिवाय पर्यायच नाही. आपल्या नाकावर टिच्चून जर कुठले निर्णय होत असतील या राज्यातील समाजावर अन्याय होणार असेल तर लेकरांची आणि राज्यातील समाजाची शान वाढवण्यासाठी गाडावच लागणार आहे, असे मनोज जरांगे पाटील यांनी दसऱ्या मेळाव्यात सांगितले. नारायण गडावर त्यांनी हा दसरा मेळावा घेतला.

मी जिवंत आहे तोपर्यंत तुमच्या डोळ्यातील पाणी नाही पाहू शकत. कोणतीही जहांगिरदाराची औलाद येऊ दे झुकायचे नाही. कुणालाही पाय लावायचे नाही. कुणावर अन्याय करायचे नाही. पण समाजावर अन्याय होत असेल तर स्व संरक्षण करायला शिका. तुम्हाल स्वसंरक्षण करावंच लागणार आहे. मी विचारलं आमचा नेमका दोष काय. कुणालाच सांगता येत नाही आमचा दोष काय. मायबापहो लेकरं वाचवा रे, या राज्यातील समाज वाचवा. लक्षात असू द्या मायबाप हो, सोन्यासारखे लेकरं वाचवा, समाज वाचवा. माझ्या समाजातील समाजाला खाली मान घालावं लागेल असं वागू नका. स्वतच्या लेकराची मान उंचवाल असंच आपलं पाऊल असलं पाहिजे. कोणी कुणाचं नाही. तुमचे हाल होत आहेत. तुम्हाला वेदना होत आहेत. तुमचे लेकरं अधिकारी बनलेले बघायचे आहेत. त्यांची इच्छा आहे, आपले लेकरं प्रशासनात जाऊ द्यायचे नाही, पण आपली इच्छा आहे ते घातल्यासिवाय मागे हटायचे नाही. आपल्याविरोधात षडयंत्र केलं जातंय. आपल्याला डावललं जात आहे.