ਨੀਤਾ ਅੰਬਾਨੀ ਹਾਰਵਰਡ ਯੂਨੀਵਰਸਿਟੀ ਦੇ ‘ਸਾਲਾਨਾ ਭਾਰਤ ਸੰਮੇਲਨ’ ‘ਚ ਮੁੱਖ ਬੁਲਾਰੇ ਵਜੋਂ ਕਰਨਗੇ ਸ਼ਿਰਕਤ

ਰਿਲਾਇੰਸ ਫਾਊਂਡੇਸ਼ਨ ਦੀ ਚੇਅਰਪਰਸਨ ਨੀਤਾ ਅੰਬਾਨੀ ਨੂੰ ਹਾਰਵਰਡ ਯੂਨੀਵਰਸਿਟੀ ਦੀ ਵੱਕਾਰੀ ‘ਸਲਾਨਾ ਇੰਡੀਆ ਕਾਨਫਰੰਸ’ ਵਿੱਚ ਮੁੱਖ ਬੁਲਾਰੇ ਵਜੋਂ ਸੱਦਾ ਮਿਲਿਆ ਹੈ। ਨੀਤਾ ਅੰਬਾਨੀ ਹਾਰਵਰਡ ਬਿਜ਼ਨਸ ਸਕੂਲ ਦੇ ਸਾਬਕਾ ਡੀਨ ਨਿਤਿਨ ਨੌਹਰੀਆ ਨਾਲ ਭਾਰਤ ਦੀ ਕਲਾ ਅਤੇ ਸੱਭਿਆਚਾਰ ਅਤੇ ਵਿਸ਼ਵ ਵਿੱਚ ਭਾਰਤ ਦੇ ਯੋਗਦਾਨ ਦੇ ਵੱਖ-ਵੱਖ ਪਹਿਲੂਆਂ ‘ਤੇ ਚਰਚਾ ਕਰੇਗੀ।

‘ਫ੍ਰਾਮ ਇੰਡੀਆ ਟੂ ਦਾ ਵਰਲਡ’ ਵਿਸ਼ੇ ’ਤੇ ਇਹ ਕਾਨਫਰੰਸ 15-16 ਫਰਵਰੀ ਨੂੰ ਅਮਰੀਕਾ ਦੀ ਹਾਰਵਰਡ ਯੂਨੀਵਰਸਿਟੀ ਵਿੱਚ ਹੋਵੇਗੀ। ਇਸ ਵਿੱਚ 1000 ਤੋਂ ਵੱਧ ਡੈਲੀਗੇਟਾਂ ਦੇ ਸ਼ਾਮਲ ਹੋਣ ਦੀ ਉਮੀਦ ਹੈ। ਪਿਛਲੇ ਕੁਝ ਸਮੇਂ ਤੋਂ, ਨੀਤਾ ਅੰਬਾਨੀ ਵਿਸ਼ਵ ਪੱਧਰ ‘ਤੇ ਭਾਰਤ ਦੀ ਸਭ ਤੋਂ ਪ੍ਰਭਾਵਸ਼ਾਲੀ ਆਵਾਜ਼ ਵਜੋਂ ਉਭਰੀ ਹੈ। ਹਾਰਵਰਡ ਵਿਖੇ, ਉਹ ਭਾਰਤ ਦੀ ਨਰਮ ਸ਼ਕਤੀ ਅਤੇ ਪ੍ਰਸੰਗਿਕਤਾ ਨੂੰ ਨਵੇਂ ਸਿਰੇ ਤੋਂ ਦੁਨੀਆ ਦੇ ਸਾਹਮਣੇ ਪੇਸ਼ ਕਰੇਗੀ।

ਇਹ ਵੀ ਪੜ੍ਹੋ : ਸ਼ੁਕਰ ਹੈ ਲੋਕਾਂ ਦੀ ਜ਼ਮੀਰ ਜਾਗੀ…ਰਣਵੀਰ ਇਲਾਹਾਬਾਦੀਆ ਦੀ ਟਿੱਪਣੀ ‘ਤੇ ਭੜਕੇ ਗਾਇਕ ‘Jasbir Jassi’

ਕਾਨਫਰੰਸ ਵਿੱਚ ਤਕਨਾਲੋਜੀ, ਜਲਵਾਯੂ, ਆਰਥਿਕ ਵਿਕਾਸ, ਲੋਕਤੰਤਰ, ਕੂਟਨੀਤੀ, ਸੱਭਿਆਚਾਰਕ ਅਦਾਨ-ਪ੍ਰਦਾਨ ਵਰਗੇ ਮੁੱਦਿਆਂ ‘ਤੇ ਭਾਰਤ ਦੇ ਨਜ਼ਰੀਏ ‘ਤੇ ਚਰਚਾ ਕੀਤੀ ਜਾਵੇਗੀ। ਇਹ ਕਾਨਫਰੰਸ ਪਿਛਲੇ 22 ਸਾਲਾਂ ਤੋਂ ਹਾਰਵਰਡ ਦੇ ਵਿਦਿਆਰਥੀਆਂ ਵੱਲੋਂ ਕਰਵਾਈ ਜਾ ਰਹੀ ਹੈ। ਇਹ ਕਾਨਫਰੰਸ ਇੱਕ ਅਜਿਹੇ ਭਾਰਤ ਨੂੰ ਉਜਾਗਰ ਕਰੇਗੀ ਜੋ ਨਾ ਸਿਰਫ਼ ਵਿਸ਼ਵ ਦੀ ਇੱਕ ਉੱਭਰਦੀ ਮਹਾਂਸ਼ਕਤੀ ਹੈ, ਸਗੋਂ ‘ਵਸੁਧੈਵ ਕੁਟੁੰਬਕਮ’ ਦੇ ਸੰਦੇਸ਼ ਨਾਲ ਆਧੁਨਿਕਤਾ ਅਤੇ ਵਿਕਾਸ ਨਾਲ ਡੂੰਘਾਈ ਨਾਲ ਜੁੜਿਆ ਹੋਇਆ ਹੈ।

ਵੀਡੀਓ ਲਈ ਕਲਿੱਕ ਕਰੋ -: