સીઆરપીએફ, બીએસએફ, સીઆઈએસએફને કેટલું ભંડોળ મળશે?

નવી દિલ્હીઃ કેન્દ્રીય નાણા પ્રધાન નિર્મલા સિતારમને આજે અંદાજપત્રની જાહેરાત કરી હતી. નાણા પ્રધાને બજેટની જાહેરાત સાથે ગૃહ મંત્રાલયને 2.33 લાખ કરોડની ફાળવણી કરી હતી. કેન્દ્રીય ગૃહ મંત્રાલયને ફાળવવામાં આવેલ ભંડોળ સીઆરપીએફ, બીએસએફ અને સીઆઈએસએફને ફાળવવામાં આવશે.

Also work : Budget 2025: સંરક્ષણ ક્ષેત્ર માટે સરકારે ખોલ્યો ‘ખજાનો’: દુશ્મન દેશની ઊંઘ થશે હરામ…

દેશની સુરક્ષા માટે લશ્કરની સાથે સેન્ટ્રલ રિઝર્વ પોલીસ ફોર્સ (સીઆરપીએફ), બોર્ડર સિક્યોરિટી ફોર્સ (બીએસએફ) અને સેન્ટ્રલ ઈન્ડસ્ટ્રિયલ સિક્યોરિટી ફોર્સ (સીઆઈએસએફ) ઈન્ટરનલ સિક્યોરિટી, સહિત અન્ય સરકારી એકમની સિક્યોરિટી માટે જવાબદાર સંસ્થા છે. સીઆરપીએફને 35,147 કરોડ રુપિયા, બીએસએફને 28,231 કરોડ, સીઆઈએસએફને 16,084 કરોડ, આઈટીબીપીને 10,370 કરોડ, એસએસબીને 10,237 કરોડ, આસામ રાઈફલ્સને 8,274 કરોડ ફાળવવામાં આવ્યા છે. આઈબીને 3,893 કરોડ અને એનડીઆરએફને 1,922.59 કરોડની ફાળવણી કરી છે.

કાશ્મીરને સૌથી વધુ ભંડોળની ફાળવણી
કેન્દ્રીય બજેટમાં કેન્દ્રીય ગૃહ મંત્રાલયને 2,19,643.31 કરોડની ફાળવણી કરી છે. જમ્મુ કાશ્મીરને 41,000 કરોડની ફાળવણી કરી છે, જે 2019 ઓગસ્ટમાં કલમ 370 રદ્દ કર્યા પછી કેન્દ્ર શાસીત પ્રદેશ જાહેર કર્યા છે. બજેટમાં અંદામાન નિકોબાર ટાપુ માટે 6,212 કરોડ, ચંદીગઢને 6,187 કરોડ, દાદરા નગરહવેલી અને દીવા દમણને 2,780 કરોડ, લદ્દાખને 4,692 કરોડ, લક્ષદ્વીપને 1,586 કરોડ, પુડુચેરીને 3,432 કરોડ ફાળવ્યા છે.

UDAN યોજના શરૂ કરવામાં આવશે
સરકાર આગામી ૧૦ વર્ષમાં ૪ કરોડ વધારાના મુસાફરોને મદદ કરવા માટે ૧૨૦ સ્થળોને જોડવા માટે સંશોધિત ઉડાન યોજના શરૂ કરશે, એમ નાણા પ્રધાન નિર્મલા સીતારમને આજે જણાવ્યું હતું. કેન્દ્રીય બજેટ ૨૦૨૫-૨૬ રજૂ કરતાં, સીતારમને જણાવ્યું હતું કે સરકાર રાજ્યની ભવિષ્યની જરૂરિયાતોને પૂર્ણ કરવા માટે બિહારમાં ગ્રીનફિલ્ડ એરપોર્ટને પણ સુવિધા આપશે.

Also work : Agriculture Budget: ધરતીપુત્રોને બજેટમાં શું મળ્યું? કપાસની ખેતી કરતાં ખેડૂતોને થશે આ લાભ

આ ઉપરાંત, પશ્ચિમ કોસી નહેર માટે સહાય પૂરી પાડવામાં આવશે, જેનાથી બિહારના મિથિલાંચલ ક્ષેત્રમાં ૫૦,૦૦૦ હેક્ટરને ફાયદો થશે. સરકાર શ્રેષ્ઠ પ્રથાઓ અને રાજ્ય ખાણકામ સંસ્થાઓ દ્વારા ગૌણ ખનીજોને પણ પ્રોત્સાહન આપશે, એમ તેમણે ઉમેર્યું હતું. સીતારમને એમ પણ નોંધ્યું હતું કે ભારતના ઉર્જા સંક્રમણ માટે ૧૦૦ ગીગાવોટ પરમાણુ ઉર્જા જરૂરી છે.

શહેરી કામદારોના સામાજિક-આર્થિક ઉત્થાન માટે નવી યોજના
નાણા પ્રધાન નિર્મલા સીતારમને જણાવ્યું હતું કે સરકાર ૧ કરોડ ગિગ (છૂટક) કામદારોને મદદ કરવા માટે ઓળખ પત્ર અને ઈ-શ્રમ પોર્ટલ પર નોંધણીની વ્યવસ્થા કરશે. કેન્દ્રીય બજેટ ૨૦૨૫-૨૬ રજૂ કરતા શહેરી કામદારોના સામાજિક-આર્થિક ઉત્થાન માટે એક યોજના અમલમાં મૂકવામાં આવશે.

ઓનલાઈન પ્લેટફોર્મના ગિગ કામદારો ‘નવા યુગ’નાં સેવા અર્થતંત્રને મહાન ગતિશીલતા પ્રદાન કરે છે. તેમના યોગદાનને ઓળખીને, અમારી સરકાર તેમના આઈ-કાર્ડ અને ઈ-શ્રમ પોર્ટલ પર નોંધણીની વ્યવસ્થા કરશે. આવા કામદારોને પ્રધાનમંત્રી જન આરોગ્ય યોજના (પીએમ-જેએવાય) હેઠળ આરોગ્ય સંભાળ સુવિધાઓ પૂરી પાડવામાં આવશે અને આ પગલાથી લગભગ એક કરોડ કામદારોને મદદ મળવાની શક્યતા છે, એમ સીતારમણે ઉમેર્યું હતું.

મેડિકલ કોલેજ માટે 10,000 બેઠક ઉમેરાશે
આવતા વર્ષ સુધીમાં, મેડિકલ કોલેજો અને હોસ્પિટલોમાં ૧૦,૦૦૦ બેઠકો ઉમેરવામાં આવશે જ્યારે આગામી પાંચ વર્ષમાં બીજી ૭૫,૦૦૦ બેઠકો ઉમેરવામાં આવશે. સરકાર આગામી ત્રણ વર્ષમાં તમામ જિલ્લા હોસ્પિટલોમાં ડે કેર કેન્સર સેન્ટરો સ્થાપવાની સુવિધા પણ આપશે. આ ઉપરાંત, માળખાગત સુવિધાઓ મંત્રાલયો પીપીપી (જાહેર-ખાનગી ભાગીદારી) મોડમાં અમલમાં મૂકવા માટે 3 વર્ષની પ્રોજેક્ટ પાઇપલાઇન સાથે આવશે, એમ સીતારમને જણાવ્યું હતું.

Also work : Budget 2025 : બજેટમાં પરમાણુ ઉર્જા ક્ષેત્રના વિકાસ માટે કરવામાં આવી આ મોટી જાહેરાત

મહિલાઓ માટે ટર્મ લોન આપવાની જાહેરાત
સરકાર ૫ લાખ પહેલી વાર કામ કરતી મહિલાઓ, એસસી અને એસટી ઉદ્યોગસાહસિકો માટે બે કરોડ રૂપિયાની ટર્મ લોન શરૂ કરશે. નાના અને મધ્યમ ઉદ્યોગો અને મોટા ઉદ્યોગો માટે ઉત્પાદન મિશન સ્થાપિત કરવામાં આવશે. આ ઉપરાંત, સરકાર શ્રમ-સઘન ક્ષેત્રોની ઉત્પાદકતા વધારવા માટે સુવિધાના પગલાં લેશે, એમ સીતારમને જણાવ્યું હતું. ક્રેડિટ ગેરંટી કવર બમણું કરીને ૨૦ કરોડ રૂપિયા કરવામાં આવશે. ગેરંટી ફી ૧ ટકા સુધી ઘટાડી દેવામાં આવશે. બિહારમાં નેશનલ ઇન્સ્ટિટ્યૂટ ઓફ ફૂડ ટેકનોલોજી, એન્ટર પ્રનરશિપ ઍન્ડ મેનેજેન્ટ સ્થાપિત કરવામાં આવશે.

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને