వార్నీ.. ఇదేం పక్షిరా సామీ ఇలాగుంది..! తలపై ఈకల టోపీ పెట్టుకుని నెమలిలా డ్యాన్స్‌ చేస్తోంది..

సోషల్ మీడియాలో ఎన్నో రకాల పక్షులు, అడవి జంతువులు, పెంపుడు జంతువులకు సంబంధించిన వీడియోలు వైరల్‌ అవుతుంటాయి. అలాగే, ఇప్పుడు ఒక పక్షి వీడియో ఒకటి వైరల్ అవుతోంది. ఈ వింత పక్షిని మీరు బహుశా ఎప్పుడూ చూసి ఉండరు. వీడియోలో కనిపించిన ఈ పక్షి శరీర నిర్మాణం ఇతర పక్షుల కంటే చాలా భిన్నంగా ఉంటుంది. ఈ నల్ల పక్షికి పొడవాటి గడ్డం ఉంది. ఇది ఇంతకు ముందు ఏ పక్షిలోనూ కనిపించలేదు. ఈ పక్షి వీడియోను @AMAZlNGNATURE అనే ఖాతా ద్వారా సోషల్ మీడియాలో షేర్ చేశారు. కాగా, వీడియో వేగంగా వైరల్‌ అవుతోంది. దీనిని దాదాపు 1 మిలియన్ మందికి పైగా వీక్షించారు. 11,000 మంది లైక్ చేశారు.

వీడియోలో కనిపించిన ఈ వింత పక్షి పొడవాటి తోక గల గొడుగు పక్షిలా కనిపిస్తుంది.. ఈ పక్షి సాధారణ పక్షి కాదు. కానీ, ఇది మన చుట్టూ ఉండే అందమైన ప్రకృతికి ఒక అద్భుతమైన ఉదాహరణ. ఈ పక్షులు పశ్చిమ కొలంబియా, పశ్చిమ ఈక్వెడార్ వర్షారణ్యాలలో కనిపిస్తాయి. ఈ పక్షులు దాదాపు 35-45 సెంటీమీటర్లు (14-18 అంగుళాలు) పొడవు ఉంటాయి. వాటి ఈకలు ప్రధానంగా నల్లగా ఉంటాయి. కానీ, వెలుతురులో అవి దాదాపు ముదురు రంగులో కనిపిస్తాయి. వాటి ఈకలు అద్భుతమైన మెరుపును కలిగి ఉంటాయి. వాటి తలపై పెద్ద గొడుగు లాంటి చిహ్నం ఉంటుంది. అవి దాన్ని విప్పినప్పుడు చూస్తే ఈకలు ఉన్న టోపీని ధరించినట్లు కనిపిస్తుంది. ఈ పక్షుల్లో మగ జాతుల అత్యంత విలక్షణమైన లక్షణం వాటి పొడవాటి, వేలాడుతున్న గడ్డం. అది లోలకం లాగా ఊగుతూనే ఉంటుంది. వాటి వేలాడే గడ్డాలు 35 సెంటీమీటర్ల (14 అంగుళాలు) వరకు వేలాడతాయి. ఈ పక్షులు పండ్లపై ఆధారపడి ఉంటాయి. పండ్లు వాటి ఆహారంలో ప్రధాన భాగం.

ఇవి కూడా చదవండి

వీడియో ఇక్కడ చూడండి..

What vertebrate is this? pic.twitter.com/EfoDAshZfG

— Nature is Amazing ☘️ (@AMAZlNGNATURE) February 1, 2025

సంభోగం సమయంలో మగ పక్షి చేసే ప్రదర్శన మరింత ప్రత్యేకమైంది. అవి వాటి గడ్డాలు పైకెత్తి, తలలు చాచి, నృత్యం చేస్తారు. ఆడ జీవులను ఆకర్షించడానికి అవి పెద్ద శబ్దాలు కూడా చేస్తాయి. అవి లోతైన, ప్రతిధ్వనించే స్వరాలను కలిగి ఉంటాయి. ఈ పక్షులు దట్టమైన అడవులలో మాత్రమే సంభోగం సమయానికి ఎంచుకుంటాయి. ఇంతటి అరుదైన పక్షిజాతిని కాపాడుకోవడానికి ప్రభుత్వాలు అవిశ్రాంతంగా కృషి చేస్తున్నాయి.

మరిన్ని ట్రెండింగ్ న్యూస్ కోసం క్లిక్ చేయండి