Baba Siddique Death: राष्ट्रवादीचे नेते बाबा सिद्दीकी यांची हत्या करण्यात आल्या आहेत. त्यांच्यावर सहा राऊंड फायर करण्यात आल्यानंतर तात्काळ रुग्णालयात दाखल करण्यात आलं. उपचारादरम्यान त्यांचा मृत्यू झाला. आता त्यांच्यावर गोळीबार करणाऱ्यांचा फोटो समोर आला आहे.
Baba Siddique Death : राष्ट्रवादीचे नेते बाबा सिद्दीकी यांची गोळ्या घालून हत्या करण्यात आली आहे. देवीची विसर्जन मिरवणूक जात असताना बाबा सिद्दीकी यांच्यावर गोळीबार करण्यात आला. या गोळीबारात त्यांच्या मृत्यू झाला. बाबा सिद्दीकी यांच्या मृत्यूनंतर सर्वत्र खळबळ माजली. तीन जणांनी बाबा सिद्दीकी यांच्यावर गोळीबार केला. घटनेनंतर पालिसांनी दोघांना ताब्यात घेतलं असून एक जण फरार आहे. बाबा सिद्दीकी यांच्यावर हल्ला करणाऱ्या तिघांचा फोटो देखील समोर आला आहे.
2 आरोपींची पटली ओळख
पोलीस सूत्रांनी दिलेल्या माहितीनुसार, 1 आरोपी हरियाणा येथील असून दुसरा आरोपी उत्तर प्रदेश याठिकाणी राहणारा आहे. तिघांमधील एक आरोपी अद्यापही फरार आहे. बाबा सिद्दीकी यांच्यावर गोळीबार करण्यासाठी अन्य राज्यातील शूटरला सुपारी देण्यात आल्याचे सांगण्यात येत आहे. मात्र, हत्येचे कारण अद्याप समजू शकलेलं नाही. तसेच आरोपींबाबत फारशी माहिती देखील समोर आलेली नाही.