Budget 2025: शेवटी राष्ट्रपती थकलेल्या वाटल्या, बिचाऱ्या! अभिभाषणावर सोनिया गांधीची प्रतिक्रिया, भाजपकडून लक्ष्य

अर्थसंकल्पीय अधिवेशनापूर्वी (budget 2025) राष्ट्रपती द्रौपदी मुर्मू यांच्या अभिभाषणावर काँग्रेस नेत्या सोनिया गांधी यांनी शुक्रवारी प्रतिक्रिया दिली. त्यावेळी त्या म्हणाल्या की, राष्ट्रपती त्यांच्या भाषणाच्या शेवटी ‘थकल्यासारख्या’ वाटल्या आणि ‘बोलणेही कठीण झाले.’

राष्ट्रपतींच्या भाषणानंतर संसदेच्या बाहेर आलेल्या सोनिया गांधी पत्रकारांनी घेरलं आणि प्रतिक्रिया विचारली. यावेळी सोनिया गांधी थेट कुणाशी बोलल्या नाहीत, पण अगदी कमी आवाजात त्या म्हणाल्या की, ‘शेवटी राष्ट्रपती खूप थकल्यासारख्या वाटत होत्या. त्यांना बोलणेही कठीण झाले होते, बिचाऱ्या’.

#WATCH | Delhi | After the President’s address to the Parliament, Congress MP Sonia Gandhi says,”…The President was getting very tired by the end…She could hardly speak, poor thing…” pic.twitter.com/o6cwoeYFdE

— ANI (@ANI) January 31, 2025

सोनिया गांधींच्या या प्रतिक्रियेनंतर आता भाजपच्या नेत्यांनी त्यांना लक्ष्य करण्यास सुरुवाते केली आहे. भाजपच्या नेत्यांनी त्यांच्या विधानाचा निषेध केला आणि सोनिया गांधी यांनी माफी मागावी अशी मागणी केली.

सोनिया गांधी यांनी ‘बिनशर्त माफी’ मागावी अशी मागणी भाजप अध्यक्ष नड्डा यांनी केली. तर संसदीय कामकाज मंत्री किरेन रिजिजू यांनी राष्ट्रपती आदिवासी असल्याचे सोनिया गांधीना सहन होत नसल्याची टीका केली आहे.

LIVE: President Droupadi Murmu addresses Parliament https://t.co/2PKUDqNb5m

— President of India (@rashtrapatibhvn) January 31, 2025

‘काँग्रेस पक्षाने माननीय राष्ट्रपती आणि देशातील आदिवासी समाजाची बिनशर्त माफी मागावी’, अशी मागणी नड्डा यांनी X वरील पोस्टमधून मधून केली आहे.

केंद्रीय मंत्री हरदीप सिंग पुरी यांनीही सोनिया गांधी यांच्या वक्तव्यावर टीका केली आणि काँग्रेस अहंकारी असल्याचा प्रत्यारोप केला.