Gangakhed Accident: परभणीत उसाचे ट्रॅक्टरच्या अपघातात तरुणाचा मृत्यु

परभणी/गंगाखेड (Gangakhed Accident) : सायखेडा येथील साखर कारखान्याकडे ऊस घेऊन जाणाऱ्या ट्रक्टरच्या अपघातात २० वर्षीय तरुणाचा मृत्यु झाल्याची घटना बुधवार २० नोव्हेंबर रोजीच्या पहाटे ३ वाजेदरम्यान सोनपेठ रस्त्यावरील पोहंडूळ तांड्याजवळ घडली. (Gangakhed Accident) याप्रकरणी सोनपेठ पोलीस ठाण्यात गुन्हा दाखल करण्यात आला आहे.

याबाबत समजलेली अधिक माहिती अशी की, ताडकळस शिवारातून ऊस भरून सायखेडा येथील साखर कारखान्याकडे जाणाऱ्या ट्रॅक्टरचा बुधवार २० नोव्हेंबर रोजी पहाटे ३ वाजे दरम्यान गंगाखेड सोनपेठ रस्त्यावरील पोहंडूळ तांड्याजवळ अपघात झाल्याने या अपघातात सुरज रामदास काचूळे वय २० वर्ष रा. गोपा ता. गंगाखेड हा तरुण ट्रॅक्टरची ट्रॉली व हेडमध्ये अडकल्याने गंभीर जखमी झाला.

ट्रॅक्टर चालक अनिकेत पांडुरंग बोबडे रा. गोपा याने अन्य लोकांच्या मदतीने पहाटे ४ वाजेच्या सुमारास सूरज काचूळे यास गंगाखेड उपजिल्हा रुग्णालयात दाखल केले. निवासी वैद्यकीय अधिकारी डॉ. गणेश वडजे, परिचारिका मनिषा कठाळे, वैशाली भालेराव यांनी त्यास मयत घोषित केले. (Gangakhed Accident) याप्रकरणी मयत तरुणाचे चुलते दिगंबर बळीराम काचूळे वय ३६ वर्ष रा. गोपा ता. गंगाखेड यांनी दिलेल्या फिर्यादीवरून ट्रॅक्टर चालक अनिकेत बोबडे याच्याविरुद्ध हयगय व निष्काळजीपणे ट्रॅक्टर चालवून मृत्यूस कारणीभूत ठरल्याचा गुन्हा दाखल करण्यात आला आहे. सोनपेठ पोलीस अधिक तपास करीत आहेत.