3 hours ago
2
Haris Rauf Suffers Injury: ఛాంపియన్స్ ట్రోఫీ ప్రారంభం కావడానికి కొద్ది రోజులు మాత్రమే మిగిలి ఉంది. ఇంతలో, పాకిస్తాన్ ట్రై-సిరీస్ ద్వారా టోర్నమెంట్ కోసం సన్నాహాలు ప్రారంభించింది. కానీ, తొలి మ్యాచ్‌లోనే పాక్ జట్టుకు భారీ ఎదురుదెబ్బ తగిలింది. జట్టులోని ఒక తుఫాను బౌలర్ గాయపడ్డాడు. దీంతో ఛాంపియన్స్ ట్రోఫీ నుంచి తప్పుకునే ఛాన్స్ ఉందని భావిస్తున్నారు.
Updated on: Feb 08, 2025 | 8:27 PM
Haris Rauf Suffers Injury: ఛాంపియన్స్ ట్రోఫీకి సిద్ధం కావడానికి పాకిస్తాన్ క్రికెట్ బోర్డు ముక్కోణపు సిరీస్‌ను నిర్వహిస్తోంది. దక్షిణాఫ్రికా, న్యూజిలాండ్‌లతో జరిగే ట్రై సిరీస్ తమకు ప్రయోజనం చేకూరుస్తాయని పాకిస్తాన్ జట్టు ఆశాభావం వ్యక్తం చేసింది. కానీ, ఫిబ్రవరి 8 శనివారం, న్యూజిలాండ్‌తో జరుగుతోన్న మొదటి మ్యాచ్‌లో బిగ్ షాక్ తగిలింది. పాకిస్తాన్ జట్టు విధ్వంసక బౌలర్ హారిస్ రౌఫ్ గాయపడి మ్యాచ్‌ను మధ్యలోనే వదిలేసి మైదానం విడిచి వెళ్లాల్సి వచ్చింది. అతను తన కోటాను కూడా పూర్తి చేయలేకపోయాడు. ఛాంపియన్స్ ట్రోఫీ నుంచి నిష్క్రమించే ముప్పును ఎదుర్కొంటున్న పాకిస్తాన్ జట్టుకు రవూఫ్ గాయం ఆందోళనకు గురిచేసింది.
1 / 5
హారిస్ రవూఫ్ పాకిస్తాన్ పేస్ అటాక్‌లో ఒక కీలక బౌలర్. 140 కంటే ఎక్కువ వేగంతో స్థిరంగా బౌలింగ్ చేయడంలో ప్రసిద్ధి చెందాడు. అతను సాధారణంగా మిడిల్ ఓవర్లు, చివరి ఓవర్లు బౌలింగ్ చేస్తుంటాడు. లాహోర్‌లో న్యూజిలాండ్‌తో జరిగిన మ్యాచ్‌లో కూడా అతను మంచి ఆరంభాన్ని పొందాడు. 6 ఓవర్లలో కేవలం 22 పరుగులు మాత్రమే ఇచ్చి టామ్ లాథమ్ వికెట్‌ను పడగొట్టాడు.
2 / 5
కానీ, అతను 37వ ఓవర్లో తన తదుపరి స్పెల్ కోసం వచ్చినప్పుడు, రెండు బంతులు వేసిన తర్వాత, అకస్మాత్తుగా ఏదో సమస్యను ఎదుర్కొన్నాడు. అతనికి ఛాతీ, కడుపు మధ్య చాలా నొప్పిగా ఉంది. ఆ తరువాత, బృందంలోని ఒక వైద్య సిబ్బంది పరీక్షించేందుకు మైదానానికి వచ్చాడు. కానీ, అతని సమస్య తగ్గలేదు. ఆ తరువాత, ఓవర్ మధ్యలో మైదానం విడిచి వెళ్ళమని వైద్య సిబ్బంది అతనికి సలహా ఇచ్చారు. గాయం కారణంగా రవూఫ్ చాలా కోపంగా కనిపించాడు. మ్యాచ్ మధ్యలోనే నిష్క్రమించాడు.
3 / 5
హారిస్ రవూఫ్ నిష్క్రమణ తర్వాత, పాకిస్తాన్ క్రికెట్ బోర్డు అతని గాయం గురించి తాజా అప్ డేట్ ఇచ్చింది. బంతి విసిరిన తర్వాత, రవూఫ్‌కు అకస్మాత్తుగా ఛాతీ, ఉదరంలో ఎడమ వైపు కండరాలలో నొప్పి అనిపించిందని ఒక ప్రకటన విడుదల చేసింది. దర్యాప్తు తర్వాత అతనికి సైడ్ స్ట్రెయిన్ గాయంతో ఇబ్బంది పడుతున్నట్లు తేలింది. ప్రస్తుతం అతను చికిత్స పొందుతున్నాడు. త్వరలో అతను తిరిగి మైదానంలోకి రావడం గురించి తెలుస్తుంది.
4 / 5
ముక్కోణపు సిరీస్‌లో భాగంగా పాకిస్తాన్ జట్టుతో తలపడుతోన్న న్యూజిలాండ్ జట్టు 6 వికెట్లు కోల్పోయి 330 పరుగులు చేసింది. పేలవ ఆరంభం తర్వాత విలియమ్సన్ 58 పరుగులు, డారిల్ మిచెల్ 81 పరుగులు, గ్లెన్ పిలిప్స్ 106* పరుగులతో చెలరేగాడు. దీంతో పాక్ జట్టుకు 331 పరుగుల టార్గెట్ అందించింది.
5 / 5
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·