Plane Crash: కుప్పకూలిన మరో విమానం.. ఆరుగురు మృతి.. గృహాలు దగ్ధం!

2 hours ago 1

అమెరికాలో మరో విమానం కుప్పకూలింది. ఫిలడెల్ఫియా విమానాశ్రయం నుంచి టేకాఫ్ అయిన కాసేపటికే విమానం కుప్పకూలింది. ఈ ఘటనలో ఇప్పటి వరకు 6 మంది మృతి చెందినట్లు నిర్ధారించారు. వాషింగ్టన్‌లోని రీగన్ నేషనల్ ఎయిర్‌పోర్ట్ సమీపంలో ప్రయాణీకుల జెట్, మిలిటరీ హెలికాప్టర్ మధ్య ఢీకొన్న రెండు రోజుల తర్వాత ఈ ప్రమాదం జరిగింది. రెండు రోజుల క్రితం జరిగిన ఈ ప్రమాదంలో 67 మంది చనిపోయారు.

వార్తా ఏజెన్సీలు AFP, రాయిటర్స్ ప్రకారం.. విమానం ఒక షాపింగ్ మాల్ సమీపంలో కూలిపోయింది. ఈశాన్య ఫిలడెల్ఫియా విమానాశ్రయం నుంచి విమానం బయలుదేరింది. అయితే టేకాఫ్ అయిన 30 సెకన్లకే క్రాష్ అయింది. ఈ ప్రమాదంలో అనేక భవనాలు అగ్నికి ఆహుతయ్యాయి. అనేక మంది గాయపడ్డారు. ఫిలడెల్ఫియా ఆఫీస్ ఆఫ్ ఎమర్జెన్సీ మేనేజ్‌మెంట్ సోషల్ మీడియాలో ప్రమాదాన్ని ధృవీకరించింది.

ఈ ప్రమాదానికి గల కారణాలపై సమగ్ర విచారణ జరుపుతామని పెన్సిల్వేనియా గవర్నర్ జోష్ షాపిరో తెలిపారు. ఈ ఘటనకు సంబంధించిన వీడియో కూడా సోషల్ మీడియా వేదికగా వైరల్ అవుతోంది. ఓ ఇంట్లో అమర్చిన సీసీటీవీ కెమెరాలో ఈ ఘటన మొత్తం రికార్డయింది. విమానం భవనంపై పడి క్షణాల్లో ఎలా నిప్పు బంతిలా మారిందో సీసీటీవీ ఫుటేజీ ద్వారా స్పష్టంగా కనిపిస్తోంది.

JUST IN: New video of the level clang successful Philadelphia. At slightest 6 radical killed pic.twitter.com/zrX3jZcjoO

— BNO News (@BNONews) February 1, 2025

మరిన్ని అంతర్జాతీయ వార్తల కోసం ఇక్కడ క్లిక్ చేయండి

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article