PM Narendra Modi : आणखी एका देशाकडून पीएम मोदींचा सर्वाेच्च सन्मान

पुढारी ऑनलाईन डेस्क : पंतप्रधान नरेंद्र मोदी सध्या तीन देशांच्या दौऱ्याच्या पहिल्या टप्प्यात रविवारी आफ्रिकन देश नायजेरियाला पोहोचले. पंतप्रधान मोदी यांचे विमान अबुजा, नायजेरिया येथे उतरले. तेथे त्यांचे नायजेरियन सरकारचे मंत्री न्यासोम इझेनवो वाइके यांनी जोरदार स्वागत केले. नायजेरिया सरकारच्या मंत्र्याने आदरार्थी म्हणून अबुजा शहराच्या चाव्या पंतप्रधान मोदींना दिल्या. खरे तर ही चावी नायजेरियातील जनतेने पंतप्रधान मोदींप्रती दाखविलेल्या आदर आणि विश्वासाचे प्रतीक आहे. (PM Narendra Modi )

यानंतर आता नायजेरिया पंतप्रधान नरेंद्र मोदी यांना द ग्रँड कमांडर ऑफ द ऑर्डर ऑफ द नायजर (GCON) या पुरस्काराने सन्मानित करणार असल्याची माहिती समोर आली आहे. पंतप्रधान मोदींना देशाकडून प्रदान करण्यात येणारा हा 17 वा आंतरराष्ट्रीय पुरस्कार असेल. राणी एलिझाबेथ या एकमेव परदेशी मान्यवर आहेत, ज्यांना 1969 मध्ये हा द ग्रँड कमांडर ऑफ द ऑर्डर ऑफ द नायजर हा पुरस्कार मिळाला आहे. यानंतर पंतप्रधान नरेंद्र मोदी हे दुसरे विदेशी असणार आहेत ज्यांचा या पुरस्काराने सन्मान होणार आहे. (PM Narendra Modi )