Pune Assembly Elections 2024: पुण्यातील आमदारांमध्ये आता मंत्रिपदासाठी स्पर्धा

2 hours ago 1

नेते बनले व्यापारी, समाज झाला ‘प्यादा’! file photo

Published on

24 Nov 2024, 3:16 am

Updated on

24 Nov 2024, 3:16 am

Pune News: जिल्ह्यातील 21 पैकी 18 जागा जिंकत महायुतीने वर्चस्व मिळविले. त्यामुळे आता मंत्रिपदासाठी भाजप, राष्ट्रवादी काँग्रेस आणि शिवसेना या तिन्ही पक्षांतील आमदारांमध्ये मंत्रिपदासाठी मोठी चुरस निर्माण होणार आहे. भाजपकडून चंद्रकांत पाटील, तर राष्ट्रवादी काँग्रेसकडून अजित पवार यांच्यासह दिलीप वळसे पाटील यांची मंत्रिपदे निश्चित मानली जात आहेत. याव्यतिरिक्त अजून कोणाला संधी मिळणार का, याबाबत उत्सुकता आहे.

पुणे शहरात भाजपच्या कोट्यातून सलग चौथ्यांदा विजयी झालेल्या पर्वतीच्या आमदार माधुरी मिसाळ यांना मंत्रिपदासाठी मोठी संधी मानली जात आहे. महिला आमदार म्हणून त्यांना संधी मिळू शकते. अनुसूचित जातीमधून पुणे कॅन्टोन्मेंटचे आमदार सुनील कांबळे यांच्या नावाचा विचार होऊ शकतो.

याशिवाय जिल्हातून भाजप दौंडचे एकमेव विजयी आमदार राहुल कुल सलग तीन वेळा विजयी झाले आहेत, त्यामुळे मंत्रिपदासाठी त्यांचेही नाव स्पर्धेत येऊ शकते. पिंपरी-चिंचवडमधून महापालिका क्षेत्रातून सलग तिसर्‍यांदा विजयी झालेले भोसरीचे आमदार महेश लांडगे हेही मंत्रिपदासाठी दावेदार मानले जात आहेत.

याशिवाय राष्ट्रवादी काँग्रेसच्या गटातून इंदापूरचे आमदार दत्तात्रय भरणे यांना ओबीसी कोट्यातून संधी मिळू शकते, तर शिवसेनेचे एकमेव विजयी आमदार विजय शिवतारे यांनाही शिवसेनेच्या कोट्यातून पुन्हा मंत्रिपदाची जबाबदारी मिळू शकते. मात्र, मंत्रिपदाच्या दावेदारांची संख्या मोठी असल्याने सर्व समीकरणे पाहूनच कोणाच्या गळ्यात मंत्रिपदाची माळ घायालयची यासंबंधीचा निर्णय होणार, हे स्पष्ट आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article