Samantha: ‘అవసరం లేకపోయినా నా మాజీకి ఖర్చు చేశా’.. సమంత సంచలన వ్యాఖ్యలు

చాలా కాలం తర్వత నటి సమంత మళ్లీ బిజీగా మారుతోంది. ఇప్పుడిప్పుడే మళ్లీ ప్రెస్‌మీట్స్‌, ఇంటర్వ్యూతో నిత్యం వార్తల్లో నిలుస్తోంది. తాజాగా ఈ బ్యూటీ నటించిన సిటాడెల్‌ వెబ్‌ సిరీస్‌ స్ట్రీమింగ్ అవుతోన్న విషయం తెలిసిందే. అమెజాన్‌ వేదికగా స్ట్రీమింగ్ అవుతోన్న ఈ వెబ్‌ సిరీస్‌లో సమంతకు జోడిగా వరుణ్‌ ధావన్‌ నటించారు. అయితే సిటాడెల్‌ ప్రమోషన్స్‌లో భాగంగా వరుణ్‌ ధావన్‌తో సరదా చిట్‌చాట్‌లో పాల్గొంది సామ్‌.

ఈ సందర్భంగా ఆమె పలు ఆసక్తికరమైన ప్రశ్నలు ఎదురుకాగా షాకింగ్ సమాధానం ఇచ్చి అందరినీ ఆశ్చర్యానికి గురి చేసింది. స్పైసీ రాపిడ్‌ ఫైర్‌ అనే టాస్క్‌లో భాగంగా సమంతకు కొన్ని ప్రశ్నలు ఎదురయ్యాయి. టాస్క్‌లో భాగంగా ఇష్టమైతే సమాధానం చెప్పాలి, లేదంటే పచ్చిమిర్చి తినాల్సి ఉంటుంది. ఇందులో భాగంగా సమంతకు.. ‘అవసరం లేకపోయినా మీరు అత్యధిక మొత్తంలో దేని కోసం ఖర్చుపెట్టారు?’ అని వరుణ్‌ ధావన్‌ ప్రశ్నించాడు.

ఈ ప్రశ్నకు సమంత బదులిస్తూ.. ‘నా మాజీకి ఇచ్చిన ఖరీదైన కానుకల కోసం ఖర్చు చేశాన’ని బదులిచ్చింది. అయితే ‘ఎంత ఖర్చు చేశారన్న’ ప్రశ్నకు మాత్రం.. ‘కాస్త ఎక్కువే అంటూ.. ఇంకో పశ్నకు వెళ్దామా.. అంటూ సమాధానం దాట వేసింది. దీంతో సమంత చేసిన ఈ వ్యాఖ్యలు ప్రస్తుతం సోషల్‌ మీడియాలో వైరల్‌ అయ్యాయి. సామ్‌ ఈ మాటలు నాగ చైతన్యను ఉద్దేశించే చేసిందా అంటూ నెటిజన్లు చర్చించుకుంటున్నారు.

ఇక మరో ప్రశ్నలో భాగంగా.. ‘ఈ షోకి వచ్చే ముందు ఎవరికి మెసేజ్‌ చేశారు.? ఆ మెసేజ్‌ను చదివి వినిపించండి’ అంటూ వరుణ్‌ ప్రశ్నింగా.. సమాధానం చెప్పడానికి ఇష్టపడని సామ్‌ పచ్చిమిర్చి తినేసింది. అలాగే సిటాడెల్‌ షూటింగ్ సమయంలో తన గురించి ఎవరితోనైనా గాసిప్స్‌ చెప్పావా అన్న వరుణ్‌ ప్రశ్నకు బదులిస్తూ.. ‘లేదు. ఏదైనా అంటే నీతో డైరెక్ట్‌గా చెప్పేదాన్ని’ అంటూ బదులిచ్చింది సామ్‌. ఇదిలా ఉంటే అమెజాన్‌ వేదికగా స్ట్రీమింగ్ అవుతోన్న సిటాడెల్‌ వెబ్‌ సిరీస్‌కు పెద్ద ఎత్తున ఆదరణ లభిస్తోంది.

మరిన్ని సినిమా వార్తల కోసం క్లిక్ చేయండి..