Suriya: గేరు మార్చిన సూర్య.. ఆ క్రేజీ డైరెక్టర్ తో నెక్స్ట్ మూవీ

నటుడు సూర్య నెక్స్ట్ సినిమా ఓ క్రేజీ డైరెక్టర్ తో ఉంటుందని టాక్ వినిపిస్తుంది. సూర్య నటించే నెక్స్ట్ సినిమాకు ఆర్జే బాలాజీ దర్శకత్వం వహించబోతున్నట్లు సమాచారం ఇంటర్నెట్‌లో వైరల్ అవుతోంది. తమిళ చిత్రసీమలో అగ్రనటుడిగా దూసుకుపోతున్నాడు సూర్య. తమిళంపైనే దృష్టి సారించిన సూర్య ఇప్పుడు హిందీ సినిమాపై కూడా దృష్టి సారించాడు. త్వరలో ఓ హిందీ సినిమాలో నటించే అవకాశం ఉంది. సూర్య చివరిగా విడుదలైన వదిరింతవన్ ఫ్లాప్ అయ్యింది. ప్రస్తుతం సూర్య కంగువ సినిమాలో నటిస్తున్నాడు. సూర్య అసలు పేరు శరవణన్ శివకుమార్. ఇది అతని తల్లిదండ్రులు పెట్టిన పేరు. దర్శకుడు మణిరత్నం శరవణన్ పేరును సూర్యగా మార్చారు. సూర్యకి మొదట్లో నటనపై ఆసక్తి లేదు. చిన్నప్పటి నుండి దర్శకుడిని కావాలనుకున్నాడు సూర్య.

సూర్య స్టార్టింగ్ లో ఓ ఫ్యాక్టరీలో మేనేజర్‌గా పని చేశాడు. 1997లో వసంత్ దర్శకత్వంలో మణిరత్నం నిర్మించిన ‘నెరుకు నేరు’ సినిమాతో సూర్య సినీ రంగ ప్రవేశం చేశారు. ఇక ఇప్పుడు కోలీవుడ్ లో టాప్ హీరోల్లో సూర్య ఒకరు. అలాగే సూర్యకు తెలుగులోనూ మంచి ఫాలోయింగ్ ఉంది. ప్రస్తుతం సూర్య కంగువ, సూర్య 44 వంటి చిత్రాల్లో నటిస్తున్నాడు. వీటితో పాటే సూర్య ఆర్జే బాలాజీ తదుపరి చిత్రంలో నటించబోతున్నట్లు ఇంటర్నెట్‌లో వార్తలు వైరల్ అవుతున్నాయి.

తమిళ సినీ రంగ ప్రవేశానికి ముందు ఆర్జేగా బాలాజీకి ప్రజల్లో మంచి గుర్తింపు ఉంది. బాలాజీ రేడియో కార్యక్రమాల ద్వారా మంచి  క్రేజ్ రావడంతో నటుడిగా తమిళ చిత్రసీమలోకి అడుగుపెట్టి,  తన చిత్రాలతో ప్రేక్షకులను దృష్టిని ఆకర్షించారు. నటనతో పాటు ఎల్‌కెజి, మూక్కుత్తి  అమ్మన్ వంటి చిత్రాలకు దర్శకత్వం వహించారు. ఆతర్వాత  ‘మూక్కుత్తి అమ్మన్ 2’ చిత్రానికి దర్శకత్వం వహిస్తారని ఈ సినిమాకు ఏఆర్ రెహమాన్ సంగీతం సమకూరుస్తున్నారు. నవంబర్‌లో కంగువ విడుదల తర్వాత ఈ సినిమా షూటింగ్ ప్రారంభం అయ్యే అవకాశం ఉంది.