Wild Animal: थेट ‘बॉम्ब’द्वारे केले जाते वन्यप्राण्यांना ठार!

अकोला (Wild Animal) : वन्यप्राण्यांची शिकार करण्यासाठी शिकारी आता नवी शक्कल लढवत असून, हत्यारे नव्हे तर चक्क बॉम्बव्दारे प्राण्यांना ठार केले जात असल्याचे समोर आले आहे. घातक तितकेच स्फोटक असलेल्या रसायनाचे गोळे अर्थात बॉम्ब तयार करत वन्यप्राण्यांना जीवानिशी मारले जात असून, जिल्ह्यात या शिकार्‍यांची टोळी सक्रिय असल्याचे एका जागरूक अधिकार्‍यांनी वनविभागासह पोलिस यंत्रणेला पुराव्यानिशी अवगत केले. तथापि, कारवाईसाठी दोन्ही यंत्रणांकडून टाळाटाळ केली जात असल्याने शिकारी टोळीचे फावत असल्याने (Wild Animal) वन्यप्राण्यांच्या शिकारींचे प्रमाण वाढत असल्याचे चित्र आहे.

बोरगाव मंजू ते विझोरा-सोनाळा रोडलगतच्या जंगलात हा प्रकार घडला असून, मानद वन्यजीव रक्षकांनी समोर आणला. जंगल सफारी करताना त्यांना शिकारी जंगलात फिरताना आढळले. त्यांना शिकार्‍यांच्या हातात साहित्याने भरलेली पिशवी दिसली. यावेळी त्यांच्या मनात शंकेची पाल चुकचुकली. या पिशवीत काय आहे, असा शिकार्‍यांना प्रश्न केल्यानंतर त्यांच्याकडून लपवालपवी होत असल्याचे निदर्शनास आले. परंतु, (Wild Animal) वन्यजीव रक्षकांनी मोठ्या धाडसाने त्यांच्याकडील पिशवी हडपली. पिशवी उघडल्यांनतर त्यात रसायनाचे १० ते १२ गोळे दिसले. हे गोळे बॉम्बच असल्याचे समोर येताच घाबरलेल्या शिकार्‍यांनी तेथून पळ काढला.

कारवाईसाठी टाळाटाळ!

मानद वन्यजीव (Wild Animal) रक्षकांनी वनविभागाला तत्काळ अवगत केले. आरएफओ, वनपाल यांना पाचारण करण्याचा जोरकसपणे प्रयत्न केल्यानंतर वनपाल हजर झाले. परंतु, हे ‘बॉम्ब’ असण्यावर त्यांनी शंका उपस्थित केली. वन्यजीव रक्षकांनी खात्री करण्यासाठी ‘बॉम्ब’ प्रयोग शाळेत पाठवा, हे बॉम्बच असल्याचे ठणकावून सांगत याबाबत आर्म अ‍ॅक्टनुसार गुन्हा दाखल होतो, असेही सांगितले.

वन, पोलिस विभागाला प्रकरणाची गांभीर्र्यता नाही!

याबाबत (Wild Animal) वनविभागासह अकोला पोलिस दलानेदेखील सदर प्रकरण गांभीर्याने घेतले नसून, हे प्रकरण चौकशीत ठेवण्यात आल्याची माहिती आहे. एकूणच दोन्ही यंत्रणा कारवाईसाठी टाळाटाळ करीत असून, कारवाईची जबाबदारी एकमेकांवर ढकलत असल्याचे स्पष्ट होत आहे.

वरिष्ठांच्या आदेशाला केराची टोपली!

मानद वन्यजीव रक्षक (Wild Animal) यांनी सदर बाब पोलिस अधीक्षकांच्या कानावर टाकली. त्यांनी तातडीने बोरगाव मंजू पोलिसांना कारवाईबाबत आदेश जारी केले. तिथेही मानद वन्यजीव रक्षक यांना पोलिस खात्याचा पुन्हा कटू अनुभव आला. वरिष्ठांच्या आदेशाला बोरगाव मंजू पोलिसांनी एकप्रकारे केराची टोपली दाखविल्याचे मत व्यक्त होत आहे. एकंदरीत शासकीय यंत्रणेमधीलच अधिकारी जंगली जनावरांच्या शिकारीबाबत संवेदनशील नसल्याचे अधोरेखित झाले आहे.