الیکٹرک وہیکلز کے خواہشمند افراد کیلئے خوشخبری، ہونڈا موٹرزنے اپنی الیکٹرک ایکٹیوا ای وی لانچ کردی

ممبئی: الیکٹرک وہیکلز خریدنے کے خواہشمند افراد کے لیے خوشخبری! معروف دو پہیہ گاڑیوں کی کمپنی ہونڈا موٹرز نے ایک نیا الیکٹرک اسکوٹر متعارف کرایا ہے۔ ہونڈا نے ایکٹیوا ای وی اور کیوسی 1 نامی دو الیکٹرک اسکوٹرز کی رونمائی کی ہے۔

ہونڈا ایکٹیوا ای وی، ریگولر ایکٹیوا ماڈل سے تھوڑا مختلف ہے۔ اس میں ایل ای ڈی ہیڈ لائٹس اور سائیڈ انڈیکیٹرز میں معمولی تبدیلیاں کی گئی ہیں۔ اس اسکوٹر کی خاص بات اس کی سوائپ ایبل بیٹری ہے، جس میں دو 1.5 کلو واٹ آور بیٹریز لگائی گئی ہیں۔

• بیٹری کی طاقت: ایک چارج میں 102 کلومیٹر تک سفر کر سکتی ہے۔
• رفتار: زیادہ سے زیادہ 80 کلومیٹر فی گھنٹہ۔
• موڈز: اسٹینڈرڈ، اسپورٹس اور اکانومی۔

ہونڈا کیوسی 1 کی خصوصیات

• ہونڈا کیوسی 1 کو ان افراد کے لیے ڈیزائن کیا گیا ہے جو کم فاصلے کا سفر کرتے ہیں۔
• بیٹری کی طاقت: 1.5 کلو واٹ آور بیٹری کے ساتھ، ایک چارج میں 80 کلومیٹر کا سفر۔
• رفتار: زیادہ سے زیادہ 50 کلومیٹر فی گھنٹہ۔

قیمت اور دستیابی

ان دونوں الیکٹرک اسکوٹرز کی قیمتوں کا اعلان ابھی تک نہیں کیا گیا ہے۔ لیکن یہ طے ہے کہ ان کی بکنگ یکم جنوری 2025 سے شروع ہوگی، اور تب ہی قیمتوں کی تفصیلات جاری کی جائیں گی۔

یہ اسکوٹرز ان افراد کے لیے ایک بہترین آپشن ہیں جو ماحول دوست اور جدید سہولیات سے مزین الیکٹرک گاڑیاں استعمال کرنا چاہتے ہیں۔

ہمیں فالو کریں