تلنگانہ: ایک شخص نے بھائی کو شارٹ سرکٹ سے ہلاک کردیا

حیدرآباد: تلنگانہ کے ضلع میدک میں ایک چونکا دینے والے واقعہ میں ایک شخص نے اپنے بھائی کو شارٹ سرکٹ کے ذریعہ ہلاک کر دیا۔

یہ واردات ہفتہ کی اولین ساعتوں میں ضلع کے نانوتانڈہ میں اُس وقت پیش آیا جب یہ اس کا بھائی سورہا تھا۔

تفصیلات کے مطابق دونوں بھائی گوپال اور شنکر جمعہ کی رات ایک ہی کمرے میں سوئے تھے تاہم صبح شنکر کی چیخ کی آواز سن کراس کے دیگر ارکان خاندان کمرے میں پہنچے اور گوپال کو گھر سے باہر بھاگتے ہوئے دیکھا۔

انہوں نے شنکر کو مردہ پایا جس کا پیر بجلی کے تار سے جڑا ہواتھا۔

شکایت کے بعد پولیس گاؤں پہنچی اور جائے واردات کا معائنہ کیا۔ لاش کو پوسٹ مارٹم کے لیے نرسا پور کے سرکاری اسپتال منتقل کردیاگیا۔

ہمیں فالو کریں