منی گام کنگن میں کسان میلہ

راجا ارشاد احمد

گاندربل//محکمہ زراعت گاندربل نے مرکزی اسپانسرڈ ایگریکلچر ٹکنالوجی مینجمنٹ ایجنسی (اے ٹی ایم اے) اسکیم کے تحت منیگام میںکسان میلہ و نمائش کا انعقاد کیا۔میلہ کا افتتاح مہمان خصوصی ممبر اسمبلی کنگن میاں مہر علی نے کیا۔زرعی میلے کا مقصد کسانوں اور کاشتکاروں کو جدید زرعی طریقوں کے بارے میں جاننے اور پیداواری فصلوں کی صلاحیت بڑھانے کے لئے ایک پلیٹ فارم فراہم کرنا تھا۔میلہ میں زراعت اور اس سے منسلک شعبوں جن میں مچھلی پالن، باغبانی، مگس بانی، جے اینڈ کے ایگرو انڈسٹریز، اور بھیڑ اور حیوانات کے محکمے شامل تھے، نے اسٹال نصب کئے گئے تھے۔اس موقع پر زراعت اور اس سے منسلک شعبوں سے متعلق مختلف اشیا اور ٹیکنا لوجی کی نمائش کی گئی تھی۔