September 22, 2024
File Photo: Amaan Farooq
سرینگر// کشمیر کے بعض حصوں میں اتوار کو سخت گرمی رہتے ہوئے سرینگر میں ماہ ستمبر کا دوسرا گرم ترین دن ریکارڈ کیا گیا۔
ماہر موسمیات فیضان عارف کینگ نے یو این آئی اردو کو بتایا کہ اتوار کے روز سری نگر میں موسم خشک اور گرم رہا۔
انہوں نے کہا کہ سرینگر میں اتوار کے روز ماہ ستمبر کا دوسرا گرم ترین دن ریکارڈ کیا گیا ہے۔
ان کے مطابق آج سرینگر میں زیادہ سے زیادہ درجہ حرارت 33.8ڈگری ریکارڈ کیا گیا جو معمول سے 6.4ڈگری زیادہ تھا۔
انہوں نے مزید بتایا کہ سری نگر میں 18ستمبر 1934کو 35.0 ڈگری سینٹی گریڈ جبکہ یکم ستمبر 1970 کو 33.8 ڈگری ریکارڈ کیا گیا۔
فیضان عارف کینگ کے مطابق قاضی گنڈ میں اتوار کے روززیادہ سے زیادہ درجہ حرارت 32.8 ڈگری سینٹی گریڈ ریکارڈ ہوا۔