अहिल्यानगर- छत्रपती संभाजीनगर महामार्गावरील अतिक्रमणे काढणार:अपघात रोखण्यासाठी संयुक्त पथकाकडून ब्लॅक स्पॉटची पाहणी

छत्रपती संभाजीनगर ते अहिल्यादेवीनगर या महामार्गावर वाढलेल्या वाहतुकीमुळे अपघाताच्या प्रमाणात झालेली वाढ रोखण्यासाठी दि. ४ रोजी पीडब्लूडी, आरटीओसह पोलिस अधिकाऱ्यांच्या पथकाने संयुक्त पाहणी करून ब्लॅक स्पाटची पाहणी केली. यासंदर्भात राज्य शासनाच्या उपविभागीय अधिकारी, जागतिक बँक प्रकल्प यांनी दि. २४ जानेवारी रोजी पत्र काढून सर्व संबंधितांनी संयुक्त् पाहणी करून रस्त्यावरील ब्लँक स्पाट निश्चित करून त्या ठिकाणी काय काय उपाययोजना करता येतील याबाबत माहिती मागवली होती. त्यानुसार आज या पथकाने वाळूज, लिंबेजळगाव, ईसारवाडी फाटा, दहेगाव बंगला, ढोरेगाव, ते कायगाव टोक्यापर्यंतच्या रस्त्याची पाहणी करून या ठिकाणांवर मागील काळात झालेल्या अपघात पुढे होउन नये म्हणून काय करता येईल याबाबत चर्चा केली. अतिक्रमणे काढणार यावेळी सार्वजनिक बांधकाम विभागाचे गरजे यांनी सांगितले की, पुढील १५ दिवसांच्या आत महामार्गवरील ५० फुटाच्या आत करण्यात आलेली सर्व अतिक्रमणे काढण्यात येणार असून अपघात रोखण्यासाठी समितीने सूचवलेल्या उपाययोजना करण्यात येणार आहे. यावेळी गंगापूरचे पोलिस निरिक्षक राठोड, महामार्गाचे विनोद भालेराव, आरटीओ लहानगे मॅडम व मरकंद जायभाये, वाहतूकचे रामनाथ चव्हाण, गणेश राउत, अशोक बरडे यांच्यासह इतरांची उपस्थिती होती.