आदिवासी शेतकरी फुलविणार स्ट्रॉबेरीची शेती

पुणे जिल्हा अधिक्षक कृषी लयाने आंबेगांव तालुक्यातील आदिवासी शेतकऱ्यांसाठी स्ट्रॉबेरी प्रकल्प राबविण्यासाठीचा प्रस्ताव नाशिक येथील आदिवासी विकास आयुक्तालयास दिला होता. त्यामध्ये एकात्मिक आदिवासी प्रकल्प घोडेगांवअंतर्गत (ता. आंबेगांव, जि. पुणे) अनुसूचित जमातीच्या एकूण २५८ लाभार्थी शेतकऱ्यांना स्ट्रॉबेरी पिकांच्या लागवडीचा प्रस्ताव पाठविला होता. या प्रकल्पामुळे आदिवासी शेतकऱ्यांच्या जीवनमानात होणाऱ्या बदलावर आदिवासी आयुक्त शासनास अहवाल सादर करणार आहेत.

शासनाने या प्रकल्पासाठी अटी व शर्ती निश्चित केलेल्या आहेत. त्यानुसार योजनेसाठी निवड करण्यात येणारे लाभार्थी हे अनूसूचित जमातीचे असावेत. संबंधित लाभार्थीनी यापूर्वी केंद्रवर्ती अर्थसंकल्प योजनेअंतर्गत लाभ घेतलेला नसावा. प्रति लाभार्थी शेतकऱ्याचा खर्च ४६ हजार ८०० रुपये आहे. तसेच खर्चामध्ये प्रति लाभार्थी सहभाग एकूण प्रकल्पाच्या १५ टक्क्यांप्रमाणे १८ लाख ११ हजार १६० रुपये आहे. तर खर्चात प्रति लाभार्थी शासकीय अर्थसहाय्य हे ८५ टक्क्यांप्रमाणे २५८ लाभार्थ्यांसाठी १ कोटी २ लाख ६३ हजार २४० रुपये शासनाने मंजूर केलेले आहे.