खामगावात शिवाजी ‌‌व्यायाम मंदिर येथे कबड्डी निवड चाचणी स्पर्धा:स्पर्धेत जिल्ह्यातील 345 कबड्डी खेळाडूंनी घेतला सहभाग

येथील श्री शिवाजी व्यायाम मंदिराच्या क्रीडांगणावर विदर्भ राज्य अजिंक्य पद स्पर्धा नांदगाव पेठ जिल्हा अमरावती व चंद्रपूर येथे होणाऱ्या स्पर्धेसाठी खेळाडूंची जिल्हा निवड चाचणी स्पर्धेचे उद्घाटन माजी आमदार दिलीपकुमार सानंदा यांच्या हस्ते २७ नोव्हेंबर रोजी करण्यात आले. याप्रसंगी सचिव अशोकबाप्पु देशमुख यांनी माजी आ. सानंदा यांचा शाल,पुष्पहार व श्रीफळ देवुन सत्कार केला. यावेळी मंचावर विदर्भ कबड्डी असो. सहसचिव सतीष डफले, शहर कॉग्रेस कमिटी अध्यक्ष सरस्वती खासने, तालुकाध्यक्ष मनोज वानखडे, बाजार समितीचे सभापती सुभाष पेसोडे, क्रिडा शिक्षीका सिमाताई देशमुख, सुरेश जाधव, मंदा लहाने आदींची प्रमुख उपस्थिती होती. कार्यक्रमाच्या सुरुवातीला माजी आ.सानंदा यांच्या हस्ते बजरंग बलीची पूजा-अर्चा करुन आरती करण्यात आली. तद्नंतर नारळ फोडुन कबड्डी निवड चाचणी स्पर्धेला प्रारंभ करण्यात आला. यावेळी खेळाडुंनी आपला परिचय करुन दिला. या निवड चाचणी स्पर्धेमध्ये बुलढाणा, देऊळगाव राजा, मलकापुर, नांदुरा,लोणार, सिदंखेडराजा,मेहकर,चि खली,संग्रामपुर,मोताळ ा,खामगाव शहरासोबत ग्रामीण भागातील जवळपास ३४५ कबड्डीचा खेळाडुंनी सहभाग घेतला.निवड चाचणी स्पर्धेचे पंच म्हणून गजानन राऊत, दिनेश चंदेल,विपीन हटकर,इद्रीस सर यांनी काम पाहिले. कार्यक्रमाचे संचालन माजी नगरसेवक किशोरआप्पा भोसले यांनी तर आभार प्रदर्शन सुधाकर खासने यांनी केले. ही स्पर्धा यशस्वी करण्यासाठी अशोकबाप्पु देशमुख, जगदिश सोनी, महावीर थानवी, शुभम पाटील, गजानन राऊत, सुधाकर खासने, सुरज धोपटे, धनंजय खराटे, अमित गव्हाळे, प्रसाद नटकुट,रचित उपाध्याय,विशाल शेवाळे, शैलेश देशमुख,भुषण पाटील,विशाल बोरसल्ले यांच्यासह पदाधिकारी व सदस्यांनी परिश्रम घेतले.