गांधी विद्यालयात रंगला स्नेहमेळावा:माजी विद्यार्थ्यांनी शालेय जीवनातील आठवणींना दिला उजाळा

चहार्डी चोपडा तालुक्यातील लासुर येथील महात्मा गांधी विद्यालयातील २००० -२००१ च्या १० वीच्या विद्यार्थी २५ वर्षानंतर शिक्षण घेतलेल्या माजी विद्यार्थ्यांच्या मेळावा रविवारी लासूर येथील नाटेश्वर मंदिर येथे आयोजित करण्यात आला होता. शाळेतील मस्ती, एकत्रितपणे केलेला अभ्यास, शिक्षकांचा विद्यार्थ्यांवरील वचक, शाळेतील क्रीडा स्पर्धा, शिक्षकांनी दिलेली शिक्षा, स्नेहसंमेलन आणि त्यातील सांस्कृतिक कार्यक्रमाची धूम अशा विविध विषयांवर माजी विद्यार्थ्यांनी गप्पा करून जुन्या आठवणींना उजाळा दिला. या गप्पांच्या ओघात सर्वजण आपण इतके मोठे झालो हे विसरून गेले होते. या शाळेत शिक्षण घेतलेले अनेक विद्यार्थी आज राजकारण, उद्योग, प्रशासकीय, शिक्षण, सांस्कृतिक, सामाजिक क्षेत्रात काम करीत असून त्यांनी आपल्या कामाचा वेगळा ठसा उमटवला आहे. कार्यक्रमाच्या अध्यक्षस्थानी सेवानिवृत्त शिक्षक आर.टी. पवार, प्रमुख अतिथी व्ही.व्ही. पाटील, एम.आर. पाटील उपस्थित होते. शिक्षकांना केलेल्या प्रवित्र ज्ञानदान व मार्गदर्शन याबाबत ऋणनिर्देश व कार्यगौरव म्हणून उपस्थित शिक्षकांना फोटो फ्रेम भेट देऊन सत्कार केला. सन २००१ दहावीच्या माजी विद्यार्थ्यांनी रौप्य महोत्सव निमित्त आयोजित- स्नेह संमेलनामध्ये शाळेला कॉर्डलेस माईक सह चार्जिंग वर चालणारे साऊंड सिस्टीम भेट दिला. लासूर येथील महात्मा गांधी विद्यालयाच्या स्नेहमेळाव्यात एकत्र आलेले माजी विद्यार्थी.