गॅस पाईपलाईन फुटल्याने बोईसर तारापूर एमआयडीसीत घबराट

बोईसर : बोईसर तारापूर एमआयडीसीतील जे झोन मधील रस्त्याशेजारी आज (दि.२८) दुपारी पीएनजी गॅस पाइपलाइनला गळती झाली. त्यामुळे परिसरात भीतीचे वातावरण निर्माण झाले आहे. रस्त्याकडेला जेसीबीने खोदकाम सुरू असताना हा गळती लागली.

या घटनेची माहिती मिळताच अग्निशमन दलाचे अधिकारी घटनास्थळी दाखल झाले. अग्निशमन विभागाचे अधिकारी वैभव तांडेल म्हणाले की, आम्हाला बोईसर तारापूर एमआयडीसीतील जे 184 प्लॉट कंपनीच्या समोर गॅस गळती झाल्याचा फोन आला. आम्ही पोहोचलो, तेव्हा आम्हाला आढळले की, पाइपलाइन खराब झाली आहे. सुरुवातीला घबराट निर्माण झाली होती. मात्र, गुजरात गॅस कंपनीच्या अधिकाऱ्यांनी परिस्थितीवर नियंत्रण मिळवले होते. गॅस गळतीमुळे संभाव्य धोका टाळण्यासाठी पाईपलाईन बंद करून दुरुस्तीचे काम सुरू केल्याचे अधिकाऱ्यांनी सांगितले.