छत्तीसगडच्या चार कामगारांना‎ बीड शहरामध्ये डांबून मारहाण‎:कंपनीत कामास लावतो म्हणत एजंटने आणले संभाजीनगरला‎

छत्तीसगड येथील चार कामगारांना २३‎‎दिवसापूर्वी कंपनीत‎‎कामाला लावतो‎‎म्हणून ओडिशाच्या‎‎एंजटने संभाजीनगर‎‎येथे आणून बीड‎‎येथील बोअरवेल‎‎चालकाच्या ताब्यात‎‎देत बोअरवेल‎‎चालकाकडून त्या‎‎बदल्यात ८० हजार‎रूपये घेतले. दरम्यान कामगारांना बोअरवेलचे‎काम येत नसल्याने त्यांनी बीडमधून पळून‎जाण्याचा प्रयत्न केला असता त्यांना बीड‎शहरातील नवा मोंढा रोडवरील एका खोलीत‎डांबण्यात येवून त्यांचे मोबाईल हिसकावून‎घेण्यात आले. बोअरवेलच्या मॅनेजरने केलेल्या‎मारहाणीत दोघे जखमी झाले असून त्यांच्यावर‎बीड जिल्हा रूग्णालयात उपचार करण्यात येत‎ आहेत. दरम्यान, बीड येथील सामाजिक‎कार्यकर्त्यांनी चारही कामगारांची चौकशी केली‎आहे. दिनेश सियाराम मंडावी (२०), सोनु‎सोनलाल मंडावी (१६), गिरवर सारद मराई‎(३६), धिरेंद्र पुजारी (२१ रा.मु.पो.सालना‎ता.विश्रामपूर जी.कोंढागांव छत्तीसगढ) चार‎कामगारांना २३ दिवसापूर्वी कंपनीत काम‎करण्यासाठी संधी असल्याची थाप मारून‎शिवराम नावाच्या एजंटाने संभाजीनगर येथे‎विशाल खाडे (रा.नांदुरघाट ता.केज) या‎व्यक्तीच्या हवाली करत एजंट निघून गेला‎होता.त्यांनंतर चौघांना एका बोअरवेलच्या‎गाडीवर कामास ठेवण्यात आले.‎