जेवढ्या मताधिक्यांनी विजय साकारला तेवढी झाडे सांगोला तालुक्यात लावणार:शेकापचे नूतन आमदार डॉ. बाबासाहेब देशमुख यांनी व्यक्त केला निर्धार‎

नुकत्याच पार पडलेल्या विधानसभा निवडणुकीत सांगोला मतदारसंघात शेकापचे उमेदवार डॉक्टर बाबासाहेब देशमुख यांनी २५ हजाराहून अधिक मताधिक्याने विजय मिळवला. जेवढे मताधिक्य मिळाले तेवढी झाडे सांगोला तालुक्यात लावण्यात येणार असल्याचा संकल्प नूतन आमदार डॉ. देशमुख यांनी व्यक्त केला आहे. सांगोला तालुक्यात अत्यंत चुरशीने झालेल्या विधानसभेच्या निवडणुकीत डॉ. देशमुख यांनी शिवसेनेचे माजी आमदार शहाजी पाटील यांचा पराभव केला. महाराष्ट्र राज्याच्या स्थापनेपासून सांगोला मतदारसंघात शेकाप आणि स्व. गणपतराव देशमुख यांचे वर्चस्व राहिले आहे. १९७२ आणि १९९५ च्या निवडणुकीचा अपवाद वगळता सांगोला तालुक्यावर गणपतराव देशमुख यांचे वर्चस्व राहिले आहे. एकाच मतदारसंघात आणि एकाच पक्षाकडून ११ वेळा आमदार होण्याचा विक्रम गणपत आबा यांच्या नावावर आहे. २०१९ मध्ये अल्पमतांनी शेकापचा पराभव झाला होता. मात्र यंदाच्या निवडणुकीत पराभवाचा वचपा काढत माजी आमदार गणपतराव देशमुख यांचे नातू डॉ. बाबासाहेब देशमुख हे २५ हजाराहून अधिक मते घेत निवडून आले. शेकापने विजय खेचून आणल्याबद्दल तालुक्यात जनता नूतन आमदार डॉ. बाबासाहेब देशमुख यांच्या सत्कारासाठी येत आहे. मतदारसंघातील ठिकठिकाणी त्यांचा सत्कार होत आहे. विधानसभा निवडणुकीत मिळालेला विजय हा स्व. आबासाहेबांच्या विचाराचा विजय असल्याचे डॉ. देशमुख यांनी एका सत्काराला उत्तर देताना सांगितले. मतदारसंघात भरभरुन मतदान झाले. ज्या गावात जेवढ्या मतांची आघाडी मिळालेली आहे त्याच गावात तेवढी झाडे लावण्याचा संकल्प नूतन आमदार डॉ. देशमुख यांनी केला आहे. त्यांच्या या आगळ्यावेगळ्या संकल्पची सध्या मतदारसंघात चर्चा होत आहे. प्रतिनिधी |मोहोळ मोहोळ विधानसभा मतदार संघाच्या अटीतटीच्या निवडणुकीत राष्ट्रवादीचे उमेदवार विद्यमान आमदार यशवंत माने यांना पराभव स्वीकारावा लागला. पराभवानंतर निराश होता माजी आमदार माने कामाला लागल्याचे दिसत आहेत. निकालानंतर दुसऱ्या दिवशीच माने कृषी उत्पन्न बाजार समितीत कार्यकर्त्यांची भेट घेऊन संवाद साधला. राज्यात सरकार आपलेच आहे. मोहोळ विधानसभा मतदार संघासाठी सर्वाधिक निधी आणणार असल्याचा निर्धार त्यांनी व्यक्त केला. तसेच कोणत्याही कार्यकर्त्याला दोष न देता कामाला लागण्याच्या सूचना दिल्या. माजी आमदार माने म्हणाले, मतदार संघातील संपर्क कायम ठेवून उर्वरित विकासकामे पूर्ण करणार आहे. शासनाच्या माध्यमातून मतदारसंघाचा विकास करण्यासाठी कार्यशील राहणार आहे. पूर्वीप्रमाणेच आठवड्यातून एक दिवस जनता दरबार होईल. त्यामधून जनतेच्या अडीअडचणी सोडविण्यासाठी प्रयत्नशील आहे. पूर्वीप्रमाणेच मी तुमच्याबरोबर असल्याचे माने यांनी सांगितले. स्व. आबासाहेब देशमुख यांच्या विचारांचा विजय सांगोला मतदार संघात स्व. आबासाहेबांच्या विचाराचा विजय झाला आहे. यामुळे हार - फेटे या अनावश्यक खर्चाऎवजी ज्या गावामध्ये जेवढ्या मतांची आघाडी तेवढी झाडे लावण्याचा संकल्प केला आहे. डॉ. बाबासाहेब देशमुख , नूतन आमदार, शेकाप सांगोला