ठेकेदार-अभियंते यांच्यात भागीदारी असल्यानेच रस्त्यांची उडाली दुर्दशा:आमदार आमश्या पाडवींचा आरोप; विचारला जाब

तालुक्यातील अति दुर्गम भागात पाहणी दौरा करण्यासाठी आमदार आमश्या पाडवी १५ कि.मी. अंतर पायपीट करत दुर्गम भागात पोहोचले. विकास कामाच्या पाहणीत निगदी ते लेगापाणी या रस्त्याचे काम निकृष्ट होत असल्याचे समोर आले. तालुक्यातील गोरांबा येथील मोखाचा पाडा येथे जाताना आमदार पाडवी यांना निगदी ते लेगापाणी रस्त्यावर पुलाचे काम सुरू असल्याचे दिसले. त्यांनी पंतप्रधान ग्रामसडक योजनेअंतर्गत सुरू असलेल्या या पुलाच्या कामाची पाहणी केली. त्या ठिकाणी कामाचा दर्जा व गुणवत्ता अतिशय ढासळलेली दिसली. तसेच निकृष्ट दर्जाची व माती मिश्रित वाळू व कमकुवत गेजचे स्टील वापरले जात असल्याने इस्टिमेट प्रमाणे काम न करता निकृष्ट काम करून बिल काढले जात असल्याचेही निदर्शनास आले. या प्रकरणी आमदार पाडवी यांनी कमालीचा संताप व्यक्त करत संबंधित अधिकारी व ठेकेदाराला जाब विचारला. दरम्यान अधिकारी व ठेकेदार हे भागीदारीत कामे करून बिले लाटत असल्याचा आरोप त्यांनी यावेळी केला. तालुक्यात मोठ्या प्रमाणात पंतप्रधान ग्राम सडक योजनेंतर्गत रस्त्यांचे काम केले जाते. मात्र ती कामे निकृष्ट दर्जाची होत आहेत. याला कारण म्हणजे रस्त्याचे काम करत असताना ठेकेदार आणि इंजिनिअर यांच्या भागीदारी (पार्टनरशीप) असल्याने काम निकृष्ट होत असल्याचा गंभीर आरोपही आमदार पाडवी यांनी केला आहे. यावेळी जिल्हा परिषद माजी शिक्षण सभापती गणेश पराडके, माजी जि. प. सदस्य विजयसिंग पराडके, रवींद्र पराडके, योगेश पाटील आदींसह कार्यकर्ते व ग्रामस्थ उपस्थित होते. आमदार पाडवी यांनी केली १५ किमीची पायपीट नंदुरबार जिल्ह्यातील अतिदुर्गम भागात पहिल्यांदाच आमदार आमश्यापाडवी पोहोचले. साधारण १५ कि.मी. पायी पायपीट करत आमदार आमश्या पाडवी त्या भागातपोहोचले.दुर्ग म भागात सुरू असलेल्या कामांच्या पाहण्यासाठी आमदार पाडवी यांनी आदिवासी पाड्यांवर जायला रस्ते नसल्याने डोंगराळ भागातून नदी- नाल्यातूनपायपीट करूनप्रवास केला.