तहसील कार्यालयात राष्ट्रीय मतदार दिनानिमित्ताने विद्यार्थ्यांचा सत्कार:शहरातील विविध विद्यालयातील विद्यार्थ्यांचे रॅलीसह स्पर्धांचे आयोजन

पातूर भारत निवडणूक आयोगाच्या निर्देशानुसार, २५ जानेवारीला राष्ट्रीय मतदार दिवस पातूर तहसील कार्यालयात साजरा करण्यात आला. या निमित्ताने पातूर शहरात मोठ्या उत्साहात रॅलीचे आयोजन करण्यात आले होते. रॅलीमध्ये पातूर शहरातील तुळसाबाई कावल विद्यालय पातूर, शाहबाबू महाविद्यालय, वसंतराव नाईक विद्यालय, डॉ. एच. एन. सिन्हा महाविद्यालय पातूर येथील विद्यार्थी व विद्यार्थ्यांनी उत्साहाने सहभाग घेतला. रॅलीची सुरुवात तहसीलदार डॉ. राहुल वानखडे आणि नायब तहसीलदार अजय तेलगोटे यांच्या उपस्थितीत हिरवा झंेडा दाखवून झाली.या रॅलीत विद्यार्थ्यासह विद्यालयांचे शिक्षक, शिक्षिका मोठ्या संख्येने सहभागी झाले होते. यावेळी शहरात एक वेगळेच वातावरण निर्माण झालेले बघायला मिळाले. रॅली पातुर शहरातील विविध मार्गांवरूनझाली. यामध्ये शहाबाबू महाविद्यालय, पोलिस स्टेशन, जुने बस स्थानक, नगरपरिषद चौक, संभाजी महाराज चौक आणि नवीन बस स्थानक यांचा समावेश होता. रॅलीचा समारोप तुळसाबाई कावल विद्यालय येथे करण्यात आला. कार्यक्रमाच्या भाग म्हणून निबंध, रांगोळी, घोषवाक्य आदी विविध स्पर्धांचे आयोजन करण्यात आले होते. यामध्ये निबंध स्पर्धेमध्ये तुळसाबाई कावल कनिष्ठ महाविद्यालय पातूरचे अभय अजय पवार यांनी प्रथम, ऋषिकेश बाबुराव बेलूरकर यांनी द्वितीय आणि कुमारी इंद्रायणी भास्कर घुगे यांनी तृतीय क्रमांक मिळवला. रांगोळी स्पर्धेमध्ये वसंतराव नाईक विद्यालय पातुरच्या कुमारी आरती सुरेंद्र तायडे यांना प्रथम, कुमारी तृप्ती भैरवनाथ खरात यांना दुसऱ्या क्रमांकाचा पुरस्कार मिळाला. तसेच पातुर तहसीलदार डॉ. राहुल वानखडे यांनी या विद्यार्थ्यांना प्रशस्तीपत्र देऊन गौरवले माजी सैनिक, नैसर्गिक आपत्ती व इतर प्रशासकीय कामकाजात महत्त्वपूर्ण योगदान दिलेल्या ग्राम महसूल अधिकारी देविदास डाबेराव आणि महादेव नाईक यांचा देखील सत्कार करण्यात आला. तसेच द्वितीय वसंतराव नाईकचे विद्यार्थी गायत्री पांडुरंग जामोदे तर तृतीय कुमारी गायत्री नाकट वसंतराव नाईक विद्यालय पातूर घोषवाक्य स्पर्धेमध्ये शहाबाबू माध्यमिक विद्यालय पातूरच्या जोया फातिमा जावेद खान यांना प्रथम आणि जवरीया इरम मोहम्मद नइम यांना द्वितीय क्रमांक मिळाला. तर शाबू विद्यालयाचा अब्दुल सुमेर अब्दुल हमीद तृतीया तसेच शाबू विद्यालयाचा आफरीन परविन बुडन खान तृतीय आणि रांगोळी स्पर्धेमध्ये डॉ. एच. एन.सींन्हा महाविद्यालयाचे माधवी विनोद बगन द्वितीय, विद्यालयाचे मुस्कान राजेश खोडे तृतीय राणी शिवहरी ताले प्रथम आले. या कार्यक्रमासाठी विविध क्षेत्रातील मान्यवर मंडळींची उपस्थिती लाभली. पातूर तहसील कार्यालयामध्ये राष्ट्रीय मतदार दिवसानिमित्त सहभागी विद्यार्थी. प्रजासत्ताकदिनाच्या निमित्त विजेत्या विद्यार्थ्यांचा सत्कार प्रजासत्ताकदिनी २६ जानेवारीला पातुर तहसील कार्यालयात सर्व विजेत्या विद्यार्थ्यांचा सत्कार करण्यात आला. पातुर तहसीलदार डॉ. राहुल वानखडे यांनी या विद्यार्थ्यांना प्रशस्तीपत्र देऊन गौरवले. तसेच माजी सैनिक, नैसर्गिक आपत्ती व इतर प्रशासकीय कामकाजात महत्त्वपूर्ण योगदान दिलेल्या ग्राम महसूल अधिकारी देविदास डाबेराव आणि महादेव नाईक यांचा देखील सत्कार करण्यात आला. तसेच, वर्षभर निवडणुकीच्या कामकाजात आणि मतदार यादी तयार करण्यात योगदान दिलेल्या पर्यवेक्षक व मतदान केंद्रस्तरीय अधिकारी यांना सन्मानित करण्यात आले.