दिल्ली विजयानंतर महाराष्ट्र भाजपचा जल्लोष:प्रदेश कार्याध्यक्ष म्हणाले - 'पंतप्रधान नरेंद्र मोदीजींच्या दूरदर्शी नेतृत्वामुळेच ऐतिहासिक महाविजय'

दिल्ली विधानसभा निवडणुकीत भारतीय जनता पक्षाला ऐतिहासिक महा विजय मिळाला आहे. त्यामुळे 27 वर्षानंतर दिल्लीमध्ये पुन्हा एकदा भारतीय जनता पक्षाचे सरकार स्थापन होणार आहे. दिल्लीतील या विजयाचा महाराष्ट्रात देखील मोठ्या प्रमाणात जल्लोष करण्यात आला. महाराष्ट्र भाजपच्या वतीने राज्यातील सर्व शहरात फटाके फोडून आतषबाजी करण्यात आली. पंतप्रधान नरेंद्र मोदी यांच्या नेतृत्वात दिल्लीकर जनतेने भाजपला दिलेला हा ऐतिहासिक विजय असल्याचा दावा महाराष्ट्र भाजपच्या नेत्यांनी केला आहे. महाराष्ट्र भाजपच्या वतीने मुंबई, नाशिक, छत्रपती संभाजीनगर, अकोला, जळगाव आणि पुणे जिल्ह्यात देखील दिल्लीतील विजयाबद्दल जल्लोष साजरा केला. या संदर्भात भारतीय जनता पक्षाच्या पदाधिकारी आणि कार्यकर्त्यांनी फटाके फोडून, पेढे वाटून फुगड्या खेळत आनंद व्यक्त केला. भारतीय जनता पक्षाचे प्रदेश कार्याध्यक्ष रवींद्र चव्हाण यांनी स्वतः ढोल वाजवत विजयाचा आनंद व्यक्त केला. हा पंतप्रधान नरेंद्र मोदी यांच्या दूरदर्शन दूरदर्शन नेतृत्वामुळे मिळालेला विजय असल्याचा दावा यावेळी रवींद्र चव्हाण यांनी केला आहे. आता आर्थिक राजधानीतही मुंबईकर असाच बदल घडवणार - आशिष शेलार अचानक उगवलेल्या राजकीय बांडगूळाला दिल्लीकरांनी फटकारले ! सामान्य, कष्टकरी दिल्लीकरांचा "मफलरने" गळा घोटणाऱ्या... फसवणाऱ्या आणि लुटेरे... संधीसाधू राजनीतीची साफसफाई करुन दिल्लीकरांनी "झाडूला" सत्तेबाहेर फेकले आहे. मा.पंतप्रधान नरेंद्र मोदी यांच्या नेतृत्वावर विश्वास दाखवत राष्ट्रवादी विचारधारे बाजूने राजधानीने दणदणीत कौल दिला.. मा. राहुल गांधी यांच्या काँग्रेसला तर "मोठा भोपळा" देऊन दिल्लीकरांनी त्यांना जागा दाखवली आहे. ईव्हीएमला दोष देत आपले अपयश झाकण्याचा कार्यक्रम आता अजून जोरात करा! मा. पंतप्रधान नरेंद्र मोदी, केंद्रीय गृहमंत्री अमितभाई शाह, राष्ट्रीय अध्यक्ष जे.पी. नड्डा, दिल्ली भाजपाचे अध्यक्ष वीरेंद्र सचदेवा आणि पदाधिकारी, कार्यकर्ते, स्वयंसेवक या सगळ्यांचे अभिनंदन !! महाराष्ट्र जिंकलाच आज राजधानी दिल्ली पण जिंकली... आता आर्थिक राजधानीत ही मुंबईकर असाच बदल घडवणार.. 25 वर्षे पालिकेत भ्रष्टाचार करणाऱ्यांना घरी बसवणार!!