दिल्‍लीत २७ वर्षानंतर फडकला भगवा ! आता एवढ्या राज्‍यात असणार भाजपाची सत्ता

पुढारी ऑनलाईन डेस्‍क : दिल्‍ली विधानसभा निवडणूकीचा निकाल लागला यामध्ये ‘आप’ची गेल्‍या दहा वर्षाची सत्ता उलथवत भाजपाने अभूतपूर्व यश संपादन केले आहे. ४८ जागा जिंकत स्‍पष्‍ट बहूमत मिळवत दिल्‍ली ताब्‍यात घेतली आहे. १९९३ नंतर २७ वर्षांनी दिल्‍लीमध्ये सत्ता स्‍थापन करण्यात भाजपला यश आले आहे. आता या निकालावरुन हे स्‍पष्‍ट झाले आहे की देशभरातील १९ राज्‍यांमध्ये भाजप व एनडीए (National Democratic Alliance)सरकारे सत्तेत आहेत. आणि दैनिक भास्‍कर ने याबाबत वृत्त दिले आहे.

गुजरात, राजस्‍थान, मध्यप्रदेश, हरियाणा, उत्तरप्रदेश, छत्तीसगड, ओडिसा, उत्तराखंड, आसाम, अरुणाचल प्रदेश, मणिपूर, मिजोरम, त्रिपूरा, या राज्‍यांमध्ये भाजपाची पूर्ण सत्ता आहे. तर महाराष्‍ट्र, आंध्रप्रदेश, गोवा, बिहार, नागालँड, मेघालय या राज्‍यांमध्ये एनडीएचे सरकार आहे.

२०१८ साली भाजप व एनडीएची २१ राज्‍यांमध्ये सत्ता होती. त्‍यांनी इंदिरा गांधी यांच्या रकॉर्डची बरोबरी केली होती. इंदिरा गांधी ज्‍यावेळी पंपप्रधान होत्‍या त्‍यावेळीही देशातील २१ राज्‍यामध्ये काँग्रेस व काँग्रेस आघाडीची सराकारे होती. भाजपनेही भारतातील २८ महत्‍वाच्या राज्‍यांमध्ये सत्ता हस्‍तगत केली आहे.