देशातील 400 युवक घडवणार संस्कृतीचे दर्शन:युवानतर्फे पाच दिवसीय राष्ट्रीय एकात्मता आणि सांस्कृतिक युवा शिबिराचे उद्घाटन‎

अहिल्यानगर युवकांची देशाशी, समाजाशी नाळ घट्ट जुळावी. त्यांच्यात राष्ट्रभक्ती, श्रमसंस्कार, सांस्कृतिक आदान प्रदान व्हावे, यासाठी युवकांसाठी काम करणाऱ्या युवान व राष्ट्रीय युवा योजनाच्या वतीने २ ते ७ फेब्रुवारी या काळात 'एक भारत, श्रेष्ठ भारत' या संकल्पनेस अनुसरून 'राष्ट्रीय एकात्मता व सांस्कृतिक युवा शिबिर आयोजित केले आहे. यात २८ राज्यांतील सुमारे ४०० युवक युवती सहभागी होणार आहेत. या शिबिरात तरुणाई कला संस्कृतीचे दर्शन घडवणार आहे. या शिबिराचे उद्घाटन रविवारी पद्मश्री पोपटराव पवार यांच्या हस्ते झाले. ज्येष्ठ समाजसेवक स्व. डॉ. एस. एन. सुब्बाराव यांच्या जयंतीनिमित्त आयोजित या शिबिरात देशभरातील २ फेब्रुवारीला दुपारी ४ वाजता शिबिराचे उद्घाटन होईल. यावेळी तरुणाई कला संस्कृतीचे दर्शन घडवतील. शिबिर कालावधीत भाषा संस्कृती यांचे आदान, प्रदान, नगर शहरात विविध भागात श्रमदान, सद्भावना रॅली, सांस्कृतिक कार्यक्रम यांचे नियोजन केले आहे, असे युवानचे अध्यक्ष संदीप कुसळकर यांनी सांगितले. ४ फेब्रुवारीला घर घर लंगर संस्थेच्या वतीने माऊली संकुल येथे सायंकाळी ६ वाजता, तर ५ फेब्रुवारी रोजी मोने कला मंदिर येथे अहमदनगर एज्युकेशन सोसायटीच्या वतीने सर्वधर्म प्रार्थना व राष्ट्रीय एकात्मतेवर आधारित सांस्कृतिक कार्यक्रम होणार आहे. ६ फेब्रुवारीला एक दिवस आपल्या सैनिकांसाठी या एमआयसीएस येथे युवानतर्फे सांस्कृतिक कार्यक्रमाचे आयोजन केले आहे. याप्रसंगी लष्कराचे वरिष्ठ अधिकारी व २००० सैनिक आपल्या परिवारासह उपस्थित राहणार असल्याचे कॅप्टन प्रा. प्राजक्ता भंडारी व संयोजिका गीतांजली भावे यांनी सांगितले. या शिबिरात रामचंद्र मिशन हार्टफुलनेस केंद्र व योगविद्या धाम यांच्या वतीने ध्यान व योग साधना, श्रमदान, भाषिक वर्ग, तज्ञांचे मार्गदर्शन, सामूहिक खेळ, ऐतिहासिक वास्तूंना भेट देण्यासाठी नगर दर्शन उपक्रम सप्ताह काळात होणार आहेत. देशभरातील प्रेरणादायी कार्य करणारी नामवंत सामाजिक कार्यकर्ते, तज्ञ या शिबिरात येऊन मार्गदर्शन करणार आहेत. शिबिराचा समारोप ७ फेब्रुवारी होणार आहे. राष्ट्रीय एकात्मता व सांस्कृतिक युवा शिबिराचे पद्मश्री पोपटराव पवार यांच्या उपस्थितीत रविवारी सायंकाळी उद्घाटन् झाले.