Maharashtra assembly Election 2024 : आगामी विधानसभा निवडणुका तोंडावर येऊन ठेपल्या आहेत. त्यातच आता सर्वच पक्षांकडून जोरदार मोर्चेबांधणी केली जात आहे. महाराष्ट्रात महाविकासआघाडी विरुद्ध महायुती अशी लढत होणार आहे. त्यातच आता राष्ट्रवादी अजित पवार गटाची एक महत्त्वाची बैठक पार पडणार आहे. या बैठकीत जागावाटपाचा फॉर्म्युला निश्चित केला जाणार आहे.
अजित पवार गटाच्या सर्व आमदारांची आज मुंबईत बैठक आयोजित करण्यात आली आहे. या बैठकीला पक्षातील सर्व आमदारांनी हजर राहावे, असे आदेश देण्यात आले आहेत. गेल्या काही दिवसांपासून अजित पवार गटातील अनेक नेते, कार्यकर्ते आणि पदाधिकारी हे दुसऱ्या पक्षात प्रवेश घेत आहेत. सध्या पक्षात आऊटगोईंग सुरु असल्याने अजित पवार हे आमदारांशी संवाद साधणार आहेत.