फडणवीस म्हणाले- अजित पवार अनेक दशके हिंदू विरोधकांसोबत राहिले:'बटेगे तो कटेंगे' या घोषवाक्यात काही गैर नाही, ते समजायला थोडा वेळ लागेल

महाराष्ट्रातील विधानसभा निवडणुकीपूर्वी उपमुख्यमंत्री देवेंद्र फडणवीस यांनी उद्धव ठाकरेंसाठी भाजपचे दरवाजे बंद असल्याचे म्हटले आहे. महाराष्ट्रात भविष्यात पक्ष त्यांच्यासोबत जाणार नाही. शिंदे यांना मुख्यमंत्री बनवण्याबाबत मला आधीच माहिती होती. मी मुख्यमंत्री किंवा अध्यक्ष पदाच्या शर्यतीत नाही. एएनआयशी बोलताना देवेंद्र फडणवीस म्हणाले की, राष्ट्रवादीचे (एसपी) अध्यक्ष शरद पवार कुटुंब आणि पक्ष तोडण्यात माहीर आहेत. राष्ट्रवादी आणि शिवसेना त्यांच्या अतिमहत्त्वाकांक्षेमुळे तुटली. उद्धव यांना मुख्यमंत्री व्हायचे होते म्हणून त्यांनी आमच्याशी संबंध तोडले. मुख्यमंत्री झाल्यानंतर त्यांना आदित्य ठाकरेंना पुढे करायचे होते, म्हणून त्यांनी एकनाथ शिंदे यांची गळचेपी करण्याचा प्रयत्न केला. बटेंगे तो कटेंगे या घोषणेच्या विरोधात जो मत प्रवाह आहे त्यावर बोलताना देवेंद्र फडणवीस म्हणाले की - योगीजींच्या घोषणेमध्ये मला काहीही चुकीचे वाटत नाही. या देशाचा इतिहास पाहा, जेव्हा-जेव्हा हा देश जाती, प्रांत आणि समाजात विभागला गेला, तेव्हा तेव्हा देश हा देश गुलाम झाला आहे. प्रश्न : महायुतीची सत्ता आल्यास तुम्ही मुख्यमंत्री होणार का? देवेंद्र फडणवीस म्हणाले की : ना मी मुख्यमंत्रिपदाच्या शर्यतीत आहे, ना मी अध्यक्षपदाच्या शर्यतीत आहे. मी अशा कोणत्याही शर्यतीत नाही. भाजप माझे घर आहे, इथेच जगा, इथेच मरा, याशिवाय कुठे जायचे. मी असा आहे पक्षाने जे काम दिले ते मी योग्य प्रकारे करू शकतो. देवेंद्र फडणवीस म्हणाले की, आम्ही आमचे सरकार स्थापन करू, असा विश्वास आहे. निकाल लागताच तिन्ही पक्ष एकत्र बसून कोणाला मुख्यमंत्री करायचे याचा निर्णय घेतील. मी या प्रक्रियेत नाही. मी माझ्या पक्षाचा प्रादेशिक नेता आहे, हे सर्व राष्ट्रीय अध्यक्ष ठरवतील. प्रश्न : शिंदे यांना मुख्यमंत्री केले, तुम्ही का बनू नये? देवेंद्र फडणवीस म्हणाले की, मला पहिल्या दिवसापासूनच माहित होते की आपल्याला एकनाथ शिंदेजींना मुख्यमंत्री करायचे आहे. उद्धवजींसोबत जे काही झालं ते सत्तेसाठी नाही हे आम्हाला दाखवायचं होतं. त्यावेळी मी पक्षाला सांगितले होते की, मी या सरकारमध्ये सामील झालो तर लोकांना वाटेल की, हा माणूस पदांचा इतका लोभी आहे की तो 5 वर्षे मुख्यमंत्री राहून पुन्हा दुसऱ्या पदावर जात आहे. देवेंद्र फडणवीस म्हणाले की, माझ्या पक्षानेही ते मान्य केले पण नंतर जेव्हा शपथविधी सोहळ्याची वेळ आली तेव्हा माझ्या नेत्यांनी मला सांगितले की हे अत्यंत नाजूक सरकार आहे आणि अशा वेळी सरकारमध्ये अनुभवी व्यक्ती असणे अत्यंत आवश्यक आहे. त्यामुळे मी हा माझा सन्मान मानून सरकारमध्ये सहभागी झालो. प्रश्नः ठाकरे गटाला महायुतीचे दरवाजे बंद? देवेंद्र फडणवीस म्हणाले की, ते निश्चितच बंद झाले आहे आणि त्याची गरज भासणार नाही. 2019 च्या निवडणुकीने मला हे शिकवले आहे की राजकारणात काहीही होऊ शकते. आता गरज भासणार नाही. यावेळी जनता महायुतीला निर्णायक बहुमत देईल. प्रश्न : राज ठाकरेंना तुम्हाला मुख्यमंत्री म्हणून पाहायचे आहे का? देवेंद्र फडणवीस म्हणाले की, : राज ठाकरे हे आमचे मित्रही आहेत आणि वैचारिकदृष्ट्या त्यांनी हिंदुत्व स्वीकारल्यापासून ते आमच्या जवळ आले आहेत. एक प्रकारे त्यांनी लोकसभा निवडणुकीत पंतप्रधान मोदींना कोणत्याही अटीशिवाय पाठिंबा दिला.राहिला विषय त्यांच्या शुभेच्छांचा तर त्यांनी माझ्यासाठी चांगली विचार केला असून त्यासाठी मी त्यांचा आभार मानतो. पण ते जे मुख्यमंत्रीपदाबाबत बोलले त्यांचा निर्णय हा आमचे राष्ट्रीय नेते अन् मित्रपक्षांचे नेते ठरवतील. प्रश्न : भाजपवर राष्ट्रवादी आणि शिवसेना फोडल्याचा आरोप होत आहे का? देवेंद्र फडणवीस म्हणाले की,: मला वाटत नाही की त्याचा काही परिणाम होईल. कुटुंबे तोडणे, त्यांना एकत्र करणे, पक्ष तोडणे, एकत्र करणे आणि पुन्हा तोडणे यात महाराष्ट्रात कोणी तज्ज्ञ असेल तर ते शरद पवार आहेत. 1978 पासून त्यांनी किती पक्ष आणि कुटुंब तोडले आहेत याची यादी तयार केली तर त्यांना पक्ष आणि कुटुंब मोडणारे भीष्म पितामह म्हणावे लागेल. फुटलेल्या या दोन पक्षांनी भाजपने पक्ष तोडला असा फेक नरेटिव्ह तयार करण्याचा प्रयत्न केला पण लोकांना सत्य माहित आहे. अतिमहत्त्वाकांक्षेमुळे पक्ष तुटले, उद्धवजींना मुख्यमंत्री व्हायचे होते, म्हणून त्यांनी आमच्याशी संबंध तोडले. मुख्यमंत्री झाल्यानंतर त्यांना आदित्य ठाकरेंना पुढे करायचे होते, म्हणून त्यांनी एकनाथ शिंदे यांची गळचेपी करण्याचा प्रयत्न केला. दुसरीकडे शरद पवारांनी 30 वर्षे पक्षाचे नेतृत्व करणाऱ्या अजित पवारांना ​​​​​सुप्रिया ताईंना नेतृत्व द्यायचे असल्याने ​​खलनायक ठरवले. अजित पवार यांच्याकडे पर्याय नव्हता. वैयक्तिक महत्त्वाकांक्षेमुळे हे घडले. प्रश्न : उलेमा बोर्डाने काँग्रेस, राष्ट्रवादी काँग्रेस आणि उद्धव ठाकरे यांना पत्र लिहून पाठिंबा जाहीर केला आहे का? देवेंद्र फडणवीस म्हणाले की, : महाविकास आघाडीने मुस्लिम उलेमांचे तळवे चाटायला सुरुवात केली आहे. आता उलेमा कौन्सिलने त्यांना पाठिंबा जाहीर केला आहे, त्यांनी 17 मागण्या मांडल्या होत्या आणि MVA ने आम्हाला त्या 17 मागण्या मान्य असल्याचे औपचारिक पत्र दिले आहे. कोणी कोणतीही मागणी मांडली, कोणी मागणी मान्य केली तर मला आक्षेप नाही. 2012 ते 2024 या काळात महाराष्ट्रात झालेल्या दंगलीत मुस्लिम समाजातील लोकांवर दाखल झालेले गुन्हे मागे घेण्यात यावेत ही त्यांची एक मागणी आहे. हे कसले राजकारण? प्रश्न : अदानी समूहाबाबत महायुतीमध्ये मतभेद आहेत का? देवेंद्र फडणवीस म्हणाले की, सत्तेबाहेर असताना विरोध करायचा आणि सत्तेत आल्यावर पाठिंबा द्यायचा असे शिवसेनेचे (यूबीटी) नेहमीच धोरण राहिले आहे. त्यांनी विरोध केला आणि महाराष्ट्रात बांधण्यात येणारी सर्वात मोठी रिफायनरी रद्द करून घेतली आणि मुख्यमंत्री झाल्यावर त्यांनी इथे रिफायनरी बांधण्यासाठी पत्र लिहिले. या धारावी प्रकल्पात मी टेंडर काढले, मी टेंडर काढले त्यावेळी अदानीजी तिथे नव्हते, पण ते टेंडर रद्द करून नवीन टेंडरच्या सर्व अटी उध्दव ठाकरेंनी तयार केल्या, त्यांच्या मंत्रिमंडळाने त्याला मान्यता दिली. त्या अटींच्या आधारे निविदा काढण्यात आली आणि त्यात अदानी यशस्वी बोलीदार ठरली, त्यामुळे ही निविदा त्यांच्याकडे गेली, ही निविदा अदानी कंपनीला दिली नसली तरी ती डीआरपीला देण्यात आली आहे ज्यात आमचा हिस्सा आहे. महाराष्ट्र सरकार डीआरपीमध्ये स्टेकहोल्डर आहे आणि डीआरपी सर्व काही करत आहे. त्यामुळे ते अदानींना देण्यात आल्याचे ते जे बोलत आहेत ते चुकीचे आहे… मी पूर्ण विश्वासाने सांगतो की त्यांच्या काळातही जर अदानी टेंडरमध्ये यशस्वी बोली लावणारे असते, तर त्यांनी टेंडर दिले नसते का, त्यांच्या बैठका झाल्या असत्या का? अदानीसोबत होत नाही का?