ब्रेकिंग न्यूज : दिल्‍लीत 'आप'ला हादरा! अरविंद केजरीवाल पराभूत

पुढारी ऑनलाईन डेस्‍क : आपसाठी अस्‍तित्‍वाची लढाई तर भाजपची प्रतिष्‍ठा पणाला लागलेल्‍या दिल्‍ली विधानसभा निवडणुकीचे निकाल स्‍पष्‍ट होत आहेत. येथे 'आप'ला मोठा हादरला बसला असून तब्‍बल २७ वर्षांनंतर भाजपने दिल्‍ली विधानसभेवर भगवा फडकवला आहे. लक्षवेधी ठरलेल्‍या नवी दिल्‍ली मतदासरंघात माजी मुख्‍यमंत्री अरविंद केजरीवाल यांचा पराभव झाला आहे. या मतदारसंघात भाजप उमेदवार प्रवेश वर्मा यांचा विजय झाला आहे.

राजधानी दिल्‍लीत आज (दि. ८) सकाळी कडक सुरक्षेत मतमोजणीला प्रारंभ झाला होता. ७० जागांसाठी ६९९ उमेदवार निवडणूक रिंगणात होते. ५ फेब्रुवारी रोजी १३ हजारांहून अधिक मतदान केंद्रांवर एकूण ६०.५४ टक्के मतदान झाले होते. नवी दिल्ली मतदारसंघात मतमोजणीच्या ८ फेऱ्यांनंतर अरविंद केजरीवाल पिछाडीवर राहिले. भाजप उमेदवार प्रवेश वर्मा यांनी आघाडी कायम ठेवली. मतमोजणीच्‍या १३ फैर्‍यांपैकी दहाव्‍या फेरीत केजरीवाल हे १८४४ मतांनी पिछाडीवर होते. अखेर मतमोजणीच्या ८ फेऱ्यांनंतर अरविंद केजरीवाल पिछाडीवर राहिले. भाजप उमेदवार प्रवेश वर्मा यांचा विजय झाला.

अरविंद केजरीवाल यांनी २०१३ च्या विधानसभा निवडणुकीत नवी दिल्‍ली मतदारसंघात तत्‍कालीन मुख्‍यमंत्री शीला दीक्षित पराभव केला होता. यानंतर त्‍यांनी तीन वेळा या विधानसभा मतदारसंघातचे प्रतिनिधित्व केले होते.