भागवत सप्ताहात देवी वैभवी श्रीजींनी केले कथेचे वाचन:सात दिवस भक्तिमय वातावरणात दुमदुमली धोत्रा नगरी

सद्गुरू परमहंस श्री कृष्णगिरी महाराज वार्षिक पुण्यतिथी व स्व. शंकरबाबा गुल्हाने व विमलआई शंकरराव गुल्हाने यांच्या पावन स्मृती प्रीत्यर्थ आयोजित संगीतमय व सात दिवसांच्या श्रीमद भागवत कथा सप्ताहात देवी वैभवी श्रीजी यांनी कथेचे वाचन केल्याने, धोत्रा नगरी भक्तिमय वातावरणात दुमदुमली. पालखी दिंडी काढून व महाप्रसाद कार्यक्रमाने भागवत कथेचा समारोप करण्यात आला. २५ जानेवारी ते १ फेब्रुवारी पर्यंत श्रीमद भागवत कथा सप्ताहाचे आयोजन महेश गुल्हाणे यांच्या वतीने करण्यात आले होते. या सात दिवसांच्या भागवत सप्ताहात देवी वैभवी श्रीजी यांनी सात दिवस धर्मीक कथेचे वाचन भक्तांसोमर केले.सोबतच अजित कडकडे यांचे भावगीत आयोजित करण्यात आले होते. आणि महाप्रसाद कार्यक्रमाने भागवत सप्ताहाचे समारोप करण्यात आले. कार्यक्रमात महसूलमंत्री चंद्रशेखर बावनकुळे, पालकमंत्री डॉ. पंकज भोयर व इतर मंडळींनी भागवत कथेला उपस्थिती लावली होती.