मतमोजणीसाठी शनिवारी गाडे चौकसह सेव्हन हिल्स ते आकाशवाणीपर्यंत रस्ता बंद:पर्यायी मार्ग वापरावा, प्रशासनाचे आवाहन

मागील महिनाभरापासून प्रशासनाच्या वतीने विधानसभा निवडणुकीच्या अनुषंगाने जय्यत तयारी सुरू होती. मतदान प्रक्रिया बुधवारी (२० नोव्हेंबर) पार पडल्यामुळे प्रशासनाचा अंतिम टप्पा असलेल्या मतमोजणीची प्रक्रिया नियोजनबद्ध पद्धतीने पार पडावी यासाठी प्रशासन नियोजन करत आहे. मतमोजणी प्रक्रिया २३ नाेव्हेंबरला होणार असल्याने शहरात असलेल्या चार विधानसभा मतदारसंघांच्या मतमोजणी केंद्राच्या परिसरात वाहतूक कोंडी होऊ नये म्हणुन वाहतूक विभागाने वाहतूक मार्गात बदल केला आहे. मध्य मतदारसंघाची मतमोजणी शासकीय तंत्रनिकेतन महाविद्यालय (उस्मानपुरा), पश्चिम मतदारसंघाची मतमोजणी शासकीय अभियांत्रिकी महाविद्यालय (उस्मानपुरा), तर पूर्व मतदारसंघाची मतमोजणी सेंट फ्रान्सिस स्कूल या ठिकाणी मतमोजणी करण्यात येणार आहे. मतमोजणी प्रक्रियेच्या अनुषंगाने मतमोजणीच्या ठिकाणी उमेदवार, त्यांचे कार्यकर्ते, मतमोजणी प्रक्रियेचे अधिकारी व कर्मचारी, दैनंदिन कामानिमित्त बाहेर पडणारे नागरिक व त्यांची वाहने, यामुळे मजमोजणीच्या ठिकाणाच्या परिसरात वाहनांची मोठ्या प्रमाणात वर्दळ निर्माण होऊन नागरिकांच्या सुरक्षिततेस, जीवितास धोका, अडथळा किंवा गैरसोय होऊ शकते म्हणून हा बदल करण्यात आला. पहाटे ५ पासून ते मतमोजणी प्रक्रिया संपेपर्यंत वाहतुकीत बदल असणार आहे. सर्व प्रकारच्या वाहनांसाठी पर्यायी मार्ग