मातृभूमी रक्षणार्थ केलेली सेवा हे आई-वडिलांचे सुसंस्कार होय:सोहळ्यात फौजी गोविंद खोकले याचे प्रतिपादन

देशाच्या सीमांवर विविध ठिकाणी कार्यरत असताना प्रामाणिकपणे केलेली सेवा ही माझ्या कष्ठाळू जन्मदात्या आई-वडिलांच्या सुसंस्कारचा अनमोल आशीर्वाद होय. त्यांच्या आशीर्वादानेच देशसेवा करताना जीवावर बेतलेल्या अनेक प्रसंगातून मी आज जिवंत दिसत आहे. तसेच पत्नीच्या पती निष्ठेमुळे मी तिला साथ देण्यास आज तिच्या सोबत आहे, असे भावपूर्ण उद्गारसेवापूर्ती सोहळ्यानिमित्त आयोजित कार्यक्रमात भारतीय सैन्य दलात १७ वर्षे सेवा केल्यानंतर सेवानिवृत्त झालेलेरोटेगाव, ता. वैजापूरचे भूमिपुत्र गोविंद बाजीराव पा. खोकले यांनी रविवार २ फेब्रुवारी रोजी आयोजित सेवापूर्ती सोहळ्यात रोटेगाव येथे काढले. ते आजच्या युवक-युवतींना संबोधित करताना म्हणाले की ,"आई -वडिलांची मनोभावे सेवा करा,त्यांच्या आशीर्वादानेच जीवनातील जीवघेण्या प्रसंगातून आपण सही सलामत राहू शकतो व आपले कल्याण होते. गावकऱ्यांनी सेवा निवृत्त फौजी गोविंद बाजीराव खोकले यांची उघड्या जीपमधून पत्नीजयश्री व कन्या सानविकासह प्रवेशद्वारापासून डीजे लावून भव्य मिरवणूक काढली. महिलांनी आपल्या घरा-समोर रांगोळ्या काढून त्यांचे औक्षण केले. माजी नगराध्यक्ष डॉ. दिनेश परदेशी, आ. बोरनारे यांचे भाऊ संजय बोरनारे, संजय निकम, रोटेगाव उपसरपंच धीरजसिंह राजपूत, बळीराम राजपूत, राजे संभाजी विद्यालयचे प्राचार्य सुनील व्यवहारे व शिक्षकवृंद, सेवानिवृत्त प्राध्यापक जवाहर कोठारी, माजी शिक्षणाधिकारी धोंडिरामसिंह राजपूत, संतोष सूर्यवंशी व आप्तेष्ट यांनी गोविंद खोकले यांचा सपत्नीक सत्कार केला. तसेच त्यांच्या मातोश्री मीराबाई खोकले व वडील बाजीराव खोकले यांचाही सत्कार केला. शांताराम मगर व सूर्यवंशी यांनी गौरव पत्र देऊन खोकले यांचा सन्मान केला. या प्रसंगी रोटेगाव व परिसरातीलतसेच तालुक्यातील महिला-पुरुष मोठ्या संख्येने उपस्थित होते. सूत्रसंचालन धोंडिराम ठाकूर यांनी केले, आभार शांताराम मगर यांनी मानले. कार्यक्रमाच्या यशस्वितेसाठी प्पपू खोकले, भगवान खोकले, सोमनाथ बोर्डे, नवनाथ मगर यांनी प्रयत्न केले.