मोटरसायकलला भरधाव ट्रॅक्टरची धडक; युवकाचा मृत्यू

या विषयी अधिक माहिती अशी की, सतीश हा मानवत शहरातील शिंदे पेट्रोलपंपावर कामास होता. रात्रीची ड्युटी असल्याने घरी जाऊन डब्बा आणण्यासाठी तो मोटारसायकलने नागरजवळा ( क्रमांक एम एच २२ ए एस ४०९० ) येथे जात होता. याच रस्त्याने भरधाव वेगाने येत असलेल्या ट्रॅक्टर चालकाने त्‍याच्या मोटरसायकलला जोराची धडक दिली. या अपघातात डोक्याला मार लागल्याने सदरील युवक गंभीर जखमी झाला होता. अपघातस्थळी जमा झालेल्या नागरिक व पोलिसांनी येथील ग्रामीण रुग्णालयात नेले असता डॉक्टरांनी तपासून त्‍याला मृत घोषित केले.

पोलिसांनी या प्रकरणी युवकाचे चुलते ज्ञानेश्वर होगे (वय २६) यांनी दिलेल्या फिर्यादीवरून ट्रॅक्टर चालकाविरुद्ध गुन्हा दाखल केला आहे. या घटनेचा पुढील तपास पोलीस उपनिरीक्षक अनिल खिल्लारे करीत आहेत.