रासेयो विद्यार्थ्यांमध्ये सामाजिक बांधिलकीची भावना रुजवून समाजासाठी योगदान देण्यासाठी प्रेरित करते- प्राचार्य डॉ. जैन

पिंपळे प्रताप महाविद्यालय, अमळनेर व कवयित्री बहिणाबाई चौधरी उत्तर महाराष्ट्र विद्यापीठ, जळगाव यांच्या संयुक्त विद्यमाने युथ फॉर माय भारत व डिजिटल लिटरसी या संकल्पनेवर आधारित राष्ट्रीय सेवा योजनेच्या सात दिवसीय विशेष श्रम संस्कार शिबिराचा समारोप चिमणपुरी पिंपळे येथे उत्साहात पार पडला. राष्ट्रीय सेवा योजनेच्या १२५ स्वयंसेवकांनी या शिबिरात सक्रिय सहभाग नोंदवून सामाजिक बांधिलकीची अनुभूती मिळाली. समारोप समारंभाचे अध्यक्ष म्हणून प्राचार्य डॉ. ए. बी. जैन हे होते. याप्रसंगी प्रमुख अतिथी म्हणून निंबा दला चौधरी अध्यक्ष, दत्त मंदिर संस्थान, चिमणपुरी पिंपळे सामाजिक कार्यकर्ते युवराज दगा पाटील, नीरज अग्रवाल, हरी भिका वाणी व अन्य मान्यवर उपस्थित होते. राष्ट्रीय सेवा योजना कार्यक्रम अधिकारी प्रा. डॉ. हेमंत पवार यांनी शिबिराचा सविस्तर अहवाल सादर केला. मान्यवरांनी उपस्थितांना संबोधित करताना विद्यार्थ्यांच्या कार्याचे मनापासून कौतुक केले. अशा उपक्रमांमुळे ग्रामीण भागात सकारात्मक बदल होतो आणि विद्यार्थ्यांना समाजाशी जोडण्याची संधी मिळते. असे प्रतिपादन सीए नीरज अग्रवाल यांनी केले. राष्ट्रीय सेवा योजना विद्यार्थ्यांमध्ये सामाजिक बांधिलकीची भावना रुजवून त्यांना समाजासाठी योगदान देण्यासाठी प्रेरित करते. असे प्राचार्य डॉ. ए. बी. जैन यांनी सांगितले. या वेळी इतरांनी मनोगत व्यक्त केले. शिबिरात स्वयंसेवकांनी विविध उपक्रम राबवले. मतदान जनजागृती मोहिमेद्वारे ग्रामस्थांमध्ये मतदानाचे महत्त्व पटवून देण्यात आले. पेड माँ के नाम या उपक्रमातून वृक्षारोपण करून पर्यावरण संवर्धनाचा संदेश दिला गेला. मधुमेह तपासणी शिबिर व डॉ.विक्रांत पाटील यांच्या व्याख्यानातून आरोग्याबाबत जागरूकता निर्माण करण्यात आली. स्त्री भ्रूणहत्या प्रतिबंध, मतदान जनजागृतीसाठी पथनाट्य सादर करून सामाजिक प्रश्नांवर प्रकाश टाकण्यात आला. राष्ट्रीय सेवा योजनेचे विशेष श्रमसंस्कार शिबिर विद्यार्थ्यांना सत्कार करताना